司馬燕囑丈夫再娶： 全家走剩我
患上胃癌多年的司馬燕外表嬌小，似是弱不禁風，其實她的意志力和耐力更勝男兒。患病後她為
免親友擔心，故總是報喜不報憂，每次現身總是打扮漂亮，努力活好每一天。
為免丈夫Togi(吳忠義)和兩個兒子擔心，故早就為自己準備後事，包括變賣內地的物業，把款項留給兩子，又囑丈夫：「千祈唔好孤伶伶一個，要搵番個伴，要開開心心咁過。」
去年11月左右，司馬燕已在病榻中，病情再次反覆，腎臟發現兩個瘤，還有多個器官功能衰竭。當時司馬燕跟丈夫說這番話、囑對方再娶時，在場親友無不淚如雨下。
51歲的司馬燕，生命力確是非常頑強。兩年多前確診胃癌要切除整個胃部後，其後腎臟、膽管及尿管亦相繼出現毛病，捱了數次大手術，體重由原本的107磅急降至90磅，再跌至如今約只有50磅。
面對重重難關，一直抱着積極態度的司馬燕，坦言在夜闌人靜獨處時，亦有想過自己終有一日要離開人世。「我爸爸、哥哥、阿嫂全部都係有cancer，全家走剩我一個。其實我兩個仔都大晒，冇咩好擔心。做手術之前，我真係諗過，我份人鍾意熱鬧，又鍾意同班朋友一齊玩，如果真係time to go，都只係代表我去咗另一個世界旅行，所以我都想我嘅funeral（葬禮）以一個party形式送別我。個告別會最好喺酒吧搞，有得飲有得玩，大家開開心心飲下酒歡送我。最重要記住我最快樂嘅一面。點知我同老公講，佢話我short short哋！」
她還曾說：「依家只要成個family齊全就夠，阿仔眼中我係好媽咪，老公眼中我係好老婆，如果要走我都無悔。我係一個fighter。」
|
鍾意就快D Share啦！
|
|
|
