2015年1月19日 星期一

傳撻着杜如風?余文樂:離晒譜! 杜如風,余文樂,




樂仔同杜如風之一齊去咗旅行,就傳出緋聞。(資料圖片)

next 1/1 pre

日前《東網》獨家踢爆吳雨霏(Kary)與男友、「網球王子」洪立熙將赴美結婚!與Kary前年分手的余文樂(樂仔)今日出席活動時,開腔祝福舊愛,又自爆曾經心急結婚:「恭喜,祝福!(仲有冇聯絡?)冇。(你會唔會心急結婚?)急過咗龍就唔急,急過一排,係想(結婚),但過咗一排就知道冇得急。好似好急去廁所但搵唔到,急完就唔急。」

樂仔又大呻難識新朋友:「我參透到個死因,係我識唔到新朋友,放工就返屋企,出街都係見舊朋友。(之前傳出你同混血模特兒嘅緋聞?)好耐啦,人哋都就嚟結婚。(媽咪有冇叫你去相睇?)佢放棄咗我,佢都就嚟抱孫。我唔諗(結婚)喇,做嘢先。」

談到與近期hit爆的杜如風傳出緋聞,樂仔即否認其事,又公然「護花」:「離晒譜,我哋係一齊去京都,係識咗好多年嘅好好朋友。佢呢排好慘同難受,我都要安撫吓佢。(佢同郭子健撻着?)我唔問私人事,但女流之輩會脆弱啲,口脾好緊要。(緋聞)係笑話一則,佢人品好又有義氣,好似男仔咁。」



鍾意就快D Share啦!