掃呢頁CODE去手機

2015年2月5日 星期四

[壹週刊 - 1300] 爆家醜被消失 梁齊昕復活重擊 689 689,梁齊昕,CY女,齊昕,梁振英,M1,




「失蹤」了一日,梁齊昕突然快閃中環,引來大批記者追訪。

探熱針

爆家醜被消失 梁齊昕復活重擊 689

千方百計闖入娛樂圈的梁齊昕,近日終於成功登陸有線娛樂台接受獨家專訪。一向敢言的她,瘋狂言行唔單止嚇窒香港人,更嚇怕特首老豆。上週齊昕自爆家醜的專訪出街後,其 facebook帳戶疑似「被接管」,並張貼梁小姐拒通訊聲明,指齊昕將會離開香港。 689發火,當全世界以為齊昕「人間蒸發」,翌日她突然一個人現身中環,面對記者追問,齊昕拎起冇響過嘅電話,全程口噏噏對住空氣扮講。

壓迫愈大,反抗愈大,在 fb被消失 48小時後,齊昕終於重掌帳戶大權,並留言「 Be yourself」,同特首老豆繼續玩對抗。

一爸獨大

在有線娛樂台的訪問中,齊昕暗踩老豆思想落後兼專制,除咗唔知 facebook係乜,之後更要求個女刪除帳戶,控制她交朋結友,甚至連 birthday party都唔俾去!

公開踢爆老豆唔講道理,即觸動梁特首神經,疑下「滅聲令」。上週六(一月三十一日),齊昕的 fb突然張貼留言:「梁小姐將無限期拒絕所有媒體、娛樂、攝影的邀請……您們手上擁有的聯絡方式是不會找到她本人的,這包括臉書。」

社交網站「被接管」,疑被下封嘴令的梁齊昕,同日下午單拖現身中環,便服戴 cap帽的她,在皇后大道中的十字路口徘徊,又不時用手機對住鋪頭櫥𥦬影相;直到發現有記者,齊昕即刻戴番副超,急急腳橫過馬路。

記者上前追問「離港」一事,她搖頭露出尷尬笑容,同時,舉起手上完全冇響過的手機,開始低頭講英文扮傾電話,之後走入附近一間酒店,同服務員講完一輪後,轉身坐升降機上樓,撇甩記者追訪。



齊昕拎起電話口噏噏,但離奇的是手機並未有響過。

齊昕匿入附近的一間酒店暫避。

有線專訪一出,齊昕的 fb帳戶疑「被接管」,並貼文指她將無限期「失蹤」。

抗戰成功

在訪問中,自言性格同阿哥細妹大不同的齊昕,反叛個性最終成功「獲釋」,消失四十八小時後,本週一重新於 fb發放嘟嘴 S腰相,並風騷留言;「 Be yourself!」

挑老豆機,原本同 689一樣被網民 dislike的齊昕,最終因抗戰成功,形象大翻身,獲全城支持。

敵人的敵人!重擊 689後成為大眾眼中新自由女神,齊昕在新一集訪問中言論繼續無畏無懼,除了自爆願意整容,更坦言恨拍戲入行:「我會啱做啲痴角色,傻大姐嗰啲。」但對自薦做 model,她依然撐到「行」。「我唔想人哋覺得我自大到……你睇吓我……唔好玩啦唔該!」

搞唔掂寶貝女,本週一,梁特首出席公開活動,提到齊昕「被消失」,他只輕輕帶過:「冇呢回事!」之後拒絕再回應。

日前梁振英出席公開活動,否認曾下令齊昕封口。

對住鏡頭一臉自信的齊昕坦言想拍戲入行。

兩日後「獲釋」的齊昕,風騷上載嘟嘴 S腰照片,並留言:「 Be yourself。」

齊昕在訪問中,直認同父母思想分歧,又暗指對方思想守舊。

齊昕擺埋「龍蝦媽」上台,拎住玩具龍蝦鉗宣傳自己專訪。

鍾意就快D Share啦!