[壹週刊 - 1301] 84歲方逸華迷 Chanel M1,

衫同袋都係 Chanel嘅方逸華，就算 84歲高齡，依然行得又穩又快。

同你吟一吟

84歲方逸華迷 Chanel

人各有志，有人收夠籌就退休，亦有啲明明可以打跛腳長歎，依然唔願退，繼續做。例如方逸華，無綫易主後，雖然理少咗大台事務，但佢仲係 TVB非執行董事兼邵氏電影副主席，加埋做開嘅飲食生意，見客開會，方姐都會親自出馬。

早個禮拜，《壹》仔喺圓方見到方逸華同佢個胞妹一行五人，坐低响 Starbucks飲咖啡；是日方姐 Chanel外套 Chanel手袋，飲完嘢，臨走前仲將個電話當鏡，攞住支唇膏係咁補。 84歲，企企理理，一絲不苟。

同樣都係有錢婆嘅白雪仙，喺屋企打吓麻雀、出街 high tea又一日，相比行路仲係急急腳嘅方姐，仙姐其實只係大四年，但就滋油得多。做人，都係有得做就做好！

Shopping、 high tea又一日嘅仙姐，等司機車到期間，全程繑實身邊男士，老態明顯。

飲完咖啡，方姐補唇膏，仲攞住手機當鏡照，好 in。

鍾意就快D Share啦！

下一篇 》