掃呢頁CODE去手機

2015年2月19日 星期四

[壹週刊 - 1302] 宇宙 G.E.M.上錯艇 有女馮允謙扮單身 G.E.M.,G.E.M,鄧紫棋,M1,




G.E.M.早前開演唱會,馮允謙有資格以好朋友身份到後台探班。

探熱針

宇宙 G.E.M.上錯艇 有女馮允謙扮單身

宇宙 G.E.M.鄧紫棋,早前再同分手已一年的前度林宥嘉隔空互片,搞到現任「嘉嫂」丁文琪要幫口還拖。目空一切的宇宙 G.E.M.唔輸得,將與近日暗溝自己、巨聲幫出身的馮允謙( Jay)玩樂合照擺上網,晒!

實情馮允謙身邊有個拍拖四年的隱形女友 Crystal,不過為了做宇宙 G.E.M.觀音兵,馮允謙扮單身、扮乖仔。自爆緋聞的宇宙 G.E.M.,踩地雷

正印抵得諗

分手一年,宇宙 G.E.M.繼續借啲意向前度林宥嘉隔空挑機,結果惹來網民恥笑「食冷飯會病」。舊聞唔吸引,宇宙 G.E.M.於是自爆新鮮緋聞,上載跟馮允謙遊嘉年華的開心照及短片,觀音兵亦配合到底,公開講盡好話,指宇宙 G.E.M.「唔高竇,唔寸」。

看似純情、扮晒陽光男孩的馮允謙,只係得個殼。為達到做宇宙 G.E.M.觀音兵目的,他甚至扮單身,搏好感。

「 Jay(馮允謙)其實有個讀同一間大學嘅女朋友 Crystal,自從 Jay比賽攞咗獎之後,佢怕影響男朋友事業,將 facebook入面兩個人嘅合照全部刪晒,其實佢哋一直同埋一齊住,不過 Jay好少提起,所以冇乜人知。」知情者說。



一三年一月,馮允謙跟女友 Crystal被影到拍拖到圓方睇戲,不過二人非常小心,未有親密

舉動。

宇宙 G.E.M.跟馮允謙和幾個教友夜玩嘉年華,二人刻意戴口罩,不過就成日孖住玩機動遊戲。

宇宙 G.E.M.早前突然向前度林宥嘉開戰,被對方及現任女友丁文琪聯手反擊。

G.E.M.跟經理人得罪人多,去年是非一大籮,不過二人堅稱是誤會。

孖女友返加拿大

由於馮允謙跟 G.E.M.返同一間教會,二人時有碰面,處心積慮的馮允謙於是先在二人的共同朋友前扮單身冇女友,又不時向宇宙 G.E.M.獻殷勤,最終升呢,成為對方去食去玩的鐵腳。

上週四(二月十二日)中午,馮允謙做完活動即撲上保母車去機場,原來當日他要跟細佬 Tim以及女友 Crystal,坐夜機返加拿大。為怕被傳媒發現,馮允謙未夠四點已經先行入閘,甚至臨時改機位,同女友分開坐,繼續扮單身。

入行四年無聲無息,自搭上宇宙 G.E.M.後始有人識,馮允謙堅持將正印隱身,方便自己做宇宙觀音兵。

出席活動後,馮允謙跟孖生細佬出發返加拿大探屋企人,撇女友各自入閘後,提早幾粒鐘到機場的他,又影低一個人飲咖啡的相放上網。

跟 G.E.M.傳緋聞後,馮允謙近日頻頻出活動,上週四就在商場跟大熊貓玩遊戲。

屬英皇旗下歌手,去年底跟住師姐容祖兒、張敬軒等齊齊在頒獎禮攞獎。

一三年聖誕節,馮允謙一家返港跟他慶祝,跟他們相熟的 Crystal亦有放聖誕派對相上 facebook,不過依然冇合照。

唱學兼優

今個月廿二日滿二十七歲的馮允謙( Jay Fung),歲半與家人移居加拿大,鍾意唱歌又識作曲的他學業成績亦唔差,以一級榮譽成績畢業於阿爾伯塔大學( University of Alberta)市場學系。 11年,馮允謙回港參加《超級巨聲 3》比賽,結果得到亞軍,簽約無綫成為旗下合約藝員,翌年加入英皇娛樂旗下的 Music Plus,推出首張專輯《今天開始》。

鍾意就快D Share啦!