[壹週刊 - 1302] 續約陳家瑛 Eason簽 100場演唱會 陳家瑛,陳奕迅,Eason,M1,

Eason將財政大權交給老婆徐濠縈管理，手揸兩億三獨立屋的阿徐，睇準時機計劃再入市。

探熱針

續約陳家瑛　 Eason簽 100場演唱會

跟經理人陳家瑛已經約滿的陳奕迅，決意自組經理人及製作公司，不過「兩母子」其實掟煲唔掟蓋，雙方最近簽下新合約，未來兩年，陳家瑛將會為 Eason安排一百場演唱會，狂搵！

老公繼續做「陳永安」（逢五、六、日返內地巡迴），已經有間 2.3億大屋的 Eason嫂徐濠縈，近日密密睇鋪，準備入市。

賺錢換磚頭

去年三月， Eason跟經理人陳家瑛合約期滿，當時 Katie以退休為由，與 Eason和平分手，雙方過渡至二○一四年底，之後便會將所有經理人及製作事宜，全部移交新經理人甘菁菁。

唔再做經理人，但「兩母子」卻換形式繼續合作。近日 Eason跟陳家瑛的 K's Production續約兩年，簽下一百場世界巡迴演唱會合約。

「呢幾年， Eason不停做巡迴，收入好可觀，就算買間二億三嘅獨立屋，都可以 all cash唔使做按揭，阿徐（濠縈）覺得樓市始終有升值潛力，呢排不停睇鋪準備再入市，老公賺錢唔容易，佢覺得買磚頭最穩陣， Eason亦好支持老婆，所以就算辛苦，都繼續逢五、六、日返大陸唱。」 Eason身邊人說。

早於一二年， Eason已經成立自己品牌經理人公司，但只計劃簽新人，與陳家瑛全無牴觸。

「開咗間公司之後， Eason都傾過𡃁模 Evelyn，但最後都合作唔成！到舊年 Katie想退休，佢先開始諗要大搞自己間公司。但管理一間公司唔容易，佢自己又忙，要搵個信得過嘅人合作，後來同 Eason喺 Music Plus時期已經合作過嘅 Lisa（甘菁菁），因為要處理家事離開商台， Eason就同 Lisa傾合作，仲答應對方可以等佢搞掂啲屋企嘢之後，先至埋位。」知情者說。

Katie以阿仔稱呼 Eason，二人關係亦情同母子。

早在英皇時期，擔任高層的甘菁菁（箭嘴）便與 Eason並肩作戰，二人早成好友。

去年一月， Eason獲英國母校 Kingston University頒發榮譽博士，陳家瑛及甘菁菁亦陪伴出席。

情同母子

張學友跟合作無間的陳淑芬反面，連已經攞到期舉行三十周年演唱會亦取消，無轉彎餘地；相反， Eason跟已分手的陳家瑛關係仍然密切，甚至曾形容與對方關係情同母子。

「 Katie覺得自己體力唔夠，又想俾番時間去湊孫，不過咁多年嚟， Eason嘅演唱會都係 Katie負責搞，佢有經驗，喺國內同海外人脈網又強， Eason同 Lisa都覺得演唱會方面嘅嘢，應該交俾 Katie，至於其他好似電影、廣告同商演，就由經理人 Lisa負責。其實舊年 Katie話唔再做 Eason經理人嗰陣，佢哋已經 plan好晒，會用咁嘅方式，繼續合作。」知情者說。

近年主力唱巡迴的 Eason，去年便唱足六十場。

王菲與 Eason曾合唱《因為愛情》，二人更在一二年央視春晚同台演出。

十年功力

有陳家瑛幫手打天下，○七年 Eason曾奪 TVB「最受歡迎男歌星」。

04年離開英皇後， Eason轉簽陳家瑛做經理人，同年推出《夕陽無限好》、《浮誇》等 K歌，橫掃樂壇頒獎禮，事業再創高峰。為成功助 Eason打開內地市場，陳家瑛安排旗下藝人王菲一齊合唱，又鋪橋搭路，令 Eason爭取到國內歌手爭崩頭的春晚演出機會。近幾年， Eason舉行了無數場國內和海外演唱會，單是去年，已巡迴六十場，賺到笑。

去年 3月，雙方合約期滿，同 Eason合作十年的陳家瑛揚言退休，工作安排至 14年底，之後正式移交新經理人甘菁菁，功成身退。

鍾意就快D Share啦！

下一篇 》