人妻萬綺雯見飲多兩杯的李思捷腳步浮浮，所以全程扶住他，怕他仆倒。
探熱針
大壽 P 李思捷飲大咗 人妻萬綺雯呵住左右
無綫監製張乾文六十大壽，藝人傾巢而出為壽星搞派對，要玩得放心，場地是一處位於新蒲崗工廈內的私竇，入夜後廠區人流不多，飲到幾醉、隨意鳩叫，都無人理！包場玩到凌晨兩點，成晚最賺是飲大幾杯的李思捷，得緋聞人妻萬綺雯呵住左右，十足一對！空穴來風，未必無因。
工廈開 P免投訴
今個月六日（星期五），大班藝人包括楊怡、梁烈唯、李思捷、萬綺雯、王浩信、陳自瑤、朱晨麗、洪天明、朱慧敏同男友 Eddie（彭懷安）、姚子羚、王君馨等幾近四十人，現身新蒲崗一幢大廈，為監製張乾文慶祝六十歲生日，由晚上七時玩到凌晨兩點。
「壽星六十大壽，大家約埋食飯唱 K乘機敍舊。因為有啲人要開工，唔同時間到，所以搞 BBQ同自助餐，方便唔使等齊人。喺工廠大廈搞唔怕嘈，唱 K又冇人投訴，玩得好盡興。」知情者說。
人妻照顧 李思捷、萬綺雯
因為合作《八卦神探》而傳出不倫戀的李思捷與萬綺雯，當晚亦雙雙在席。幾杯落肚後，二人愈玩愈埋，毫不避忌。
兩點幾散 band，李思捷已經飲到差不多，要人妻萬綺雯當他老公般服侍，扶實離開；行出閘時，萬綺雯刻意用自己隻手將李思捷的頭頂和鐵閘分隔開，以免對方撞親，十分細心。
各有各玩 王浩信、陳自瑤
被指未玩夠唔黐家、在內地拍劇同對手黃心穎眉來眼去的王浩信，當晚與老婆陳自瑤一齊到場，據在場人士指，兩公婆全晚甚少傾談，各有各玩。
臨走時，飲咗酒的 YoYo企唔穩，站在背後的王浩信竟然冇即時動手扶住老婆，好在萬綺雯眼明手快， YoYo才不致仆低。
大鄉里 朱晨麗
自己到場的朱晨麗，明顯唔熟悉工廈架步，只見她摸完一輪再搵看更問路，其間被路過三麻甩勁𥄫，嚇到朱晨麗極速跑上樓梯，十分大鄉里。
鬼祟走後門 楊怡
藝人答問題遊花園，乜都喜歡兜圈，楊怡連去生日 P都高度戒備，正門入後門出，為乜呢呵！
|
鍾意就快D Share啦！
|
|
|
