【繼續圍捕】發哥情陷朱古力 叉燒最愛食
Q9
肉檔大家姐：你平時鍾意煮飯，有乜特別湯水？
發哥：買條鯇魚尾搭個嘴煎香佢，落湯加豆腐，加啲菜心拍嚿薑咁就得。
肉檔大家姐
Q10
學生哥哥：我想問發哥鍾意乜零食，朱古力定係雪糕？
發哥：（笑晒）一定係朱古力啦，仲使問嘅，哎呀！
Q11
燒味天王：我想問發哥，燒味你鍾意食鵝髀定鴨髀呀？
發哥：兩樣都唔鍾意食。我想食叉燒，斬大嚿叉燒……
Q12
股壇阿叔：有冇炒股？可唔可以畀啲心水我哋？
發哥：我得兩股，炒嚟炒去都係嗰兩股。我又點會炒股呢，你都儍嘅！
Q13
懶瞓主播：我想問發哥你平時瞓幾多個鐘？
發哥：多數十點零鐘就瞓，六點鐘就起身，晏晝食完水果就眠半個鐘頭。
Q14
蛋撻王子：你撐酥皮定餅皮蛋撻？
發哥：兩個我都鍾意。（啜啜）
Q15
點心美眉：發哥你鍾意食乜嘢點心？
發哥：叉燒包最好食啦。
Q16
熱血狗主：發哥有冇養寵物？鍾意乜嘢動物？
發哥：我屋企有好多汪汪，香咗好多啦，剩番一隻。香埋呢隻唔養，心痛。
Q17
花檔話事人：我想問發哥，幾時開相展？
發哥：我諗住中央圖書館今年裝修，要出年先book到期，最快都要2016年。你畀啲心機等吓，佢裝修好，我會通知你。
Q18
學界車神：你好似好鍾意古董車，唔知你有幾多部？
發哥：賣晒啦，難養呀。整多過揸，幾辛苦呀。最古董係自己，自己揸自己。
|
鍾意就快D Share啦！
|
|
|