黎諾懿去年11月同有錢女友李潔瑩結婚，以為富貴一世『5億駙馬』，點知近日黎諾懿被指激嬲外父，被收車，仲要窮住萬二蚊村屋。
之前自爆為娶老婆，喺元朗買咗間千萬別墅作為兩公婆未來愛巢，不過有報導爆料話呢間大屋早已入伙，但住嘅唔係黎諾懿，而大屋持有者亦唔係黎諾懿或者外父李家。
原來李父為黎諾懿著想，希望望佢學做生意，所以叫佢有時間就上公司幫手，點知黎諾懿一味拖。早排一班親友吃飯，李父又再提起此事，仲話以黎諾懿人面可以幫公司宣傳，點知黎諾懿就話拍戲好忙冇時間，李父聽到嬲到眼都噴火，兩人當場反面收場。
不歡而散後，李父更立即做野，收返原本俾佢揸嘅Benz，仲唔出錢買樓，等佢兩公婆做窮住西貢村屋。
