翠翠寧分手堅拒煙男
葉翠翠和江美儀昨日在荃灣出席戒煙活動，問到未婚夫有否吸煙？翠翠直言拒與煙民做情侶：「好彩佢唔食，如果知道佢食就會講拜拜！」而自言沒有吸煙習慣的翠翠透露，拍無綫劇《梟雄》時要犧牲健康扮特務吸煙：「但拍咗個半鐘，點火柴一擦就斷，十幾支都唔得。點着咗吸入去又冇煙出，啲同事就喺度笑。」談到婚禮籌備情況，七月結婚的她指最近影了婚紗相：「可惜天公不作美，落雨。」她其後會留港繼續拍攝。而已戒煙十多年的美儀現在聞到煙味都覺得辛苦，又指戒煙後才識到男朋友吳君祥：「睇相師傅話我乜嘢都唔使做，搞掂咗把聲就有拖拍，然後就一口氣戒咗！」
翠翠（左）和美儀都十分討厭煙味，健康最重要！
翠翠（左）和美儀都十分討厭煙味，健康最重要！
|
鍾意就快D Share啦！
|
|
|
