探熱針
無福消受 下海肉戰 陸永俾 E奶雞排妹清袋
人夫陸永繼上年有機會同索爆中女張慧儀拍嘴戲後，早前又跟台灣 E奶雞排妹鄭家純合作三級片《台北夜蒲團團轉》，雖然雞排妹在戲中剝完又剝，但初次拍「肉搏動作戲」的陸永表現「無能」，竟臨場龜縮，要求導演減戲份，有 E胸都唔敢掂。
步步為營
錢國偉明醒陸永！在新片《台北夜蒲團團轉》中安排他與台灣 E奶雞排妹拍一場剝剩胸圍的埋身肉搏，點知平時口花花的陸永原來得棚牙。
辣 E奶幾激都冇所謂，但陸永全程步步為營，正式埋位前，已經跟對手約法三章。
「我第一次拍呢啲戲，好緊張！事前夾好晒第一吓會摸邊個位，之後又會摸邊一個位，總之清清楚楚，因為有溝通，可以唔使 NG好多次，呢場戲一次過搞掂。」陸永說。
試過拍肉搏戲被抽水甚至被揸胸，要當場反面收科的雞排妹，面對驚青陸永，雖然要主動帶對方入戲，甚至自動波向他採取攻勢，但事後亦在人前盛讚陸永夠君子。
要求減戲份
陸永亦坦言，自己唔夠班！
「雖然事先知道要拍呢類場面，但情況究竟有幾激，都係埋位前至知，一叫 roll機我已經不斷震，今次係我最終極，始終自己唔係『動作』演員，其實我當時都有提出，叫導演減我戲份，但愈叫愈衰，反而愈加愈多，搞到我騰晒雞。我當時冇剝衫㗎，全部都係對方剝。」
電影快將上映，但陸永到如今仍未睇過試片，埋位當日亦唔敢膽睇 playback。「講同做根本係兩回事，好彩一 take搞掂，之後仲要雞排妹調轉頭安慰我，拍嗰陣佢仲鼓勵我話好快拍完，叫我做好啲就可以早啲收工。」講就天下無敵的陸永，今鋪輸晒！
男女戰
錢國偉執導一系列《夜蒲》片，擺明溝女片，由於眾多男女角，要從中突圍確唔容易，第一集的陳靜 DaDa就憑跟男神王宗堯晒巨咪床戰彈出，之後她在影圈平步青雲攞埋最佳女配角，第二集的沈震軒就同國產 Baby劉羽琦蘭桂坊打野戰而出晒位，不單在頒獎禮有提名，更在大台由二打六升呢男二。至於第三集的羽僑，亦豁出去撇歌手形象，跟韓仔在溫泉騷胸肉搏。
|
鍾意就快D Share啦！
|
|
|