被指炒燶iPhone撲水交租 麥包：打多幾份工
麥長青（麥包）向來是顧家好男人，一個人努力賺錢照顧老婆仔女、麥包媽和外母。有報道指麥包為讓家人住得舒適，聽從風水師指示搬入月租七萬元的淺水灣豪宅，但最近因炒燶iPhone欠下財務公司七百多萬，無奈要撲水填氹，向身邊人借錢及預支騷錢。
麥包昨日在電話中否認欠債，他說：「今日有好多朋友打電話或傳短訊，問我『冇嘢嘛？』仲有導演叫我開工，但我真係冇借財仔，咁都算小病是福，開心有咁多朋友關心。」
■麥包愛錫一家人，自言試過月入萬幾元但租住二萬元單位。資料圖片
■有報道指麥包租住淺水灣豪宅，月租要七萬元。 資料圖片
■有傳陳茵媺亦捲入麥包炒燶iPhone事件。資料圖片
做過宜家搬運
有指麥包充大頭租貴屋，他直認鍾意享受：「交租冇問題呀，一路都係咁租，自己儲唔到首期買樓，但又想一家人住得好啲。」感到吃力？他說：「一向都係咁啦，識我嘅人都知，以前做兒童節目搵萬幾蚊，我都租二萬幾蚊嘅樓同供車，咪出去打多幾份工囉，以前試過幫宜家搬傢俬，仲有司儀，有手有腳肯做就得。」是否向中介人預收約六十萬元的內地騷錢？他反問謂：「你話得唔得吖？」
對於炒燶iPhone傳聞，契妹陳茵媺亦有份，麥包氣定神閒解釋：「我最近幫朋友做策劃推廣，希望將一個兩層高嘅小型商場KINGSQUARE，打造成為香港區嘅先達廣場，所以最近多咗同電訊公司嘅人聯絡，可能因此產生誤會。」他透露新商場預計4月全面裝修、6月開幕，問可會投資開舖？他說：「未知，但都有同朋友傾緊。」
採訪：嵐山
■麥包（左）為港島區商場做策劃推廣，密密工作搵真銀。 資料圖片
|
鍾意就快D Share啦！
|
|
|