全城熱爆的娛樂八封新聞 & 時事趣聞 & 生活 + 趣聞
為咗去上海出席時裝周，古巨基缺席電影宣傳，咁就俾班前輩有位入，古巨基幾無辜吓！但佢首個個人品牌 fashion show，有「女神」周慧敏獻出第一次，着住改良軍裝，襯番佢自己個名 Vivian有兩個 V，前後開 V性感壓場。 Vivian仲話自己試裝嗰陣都唔係咁，到上台前一日就變晒。查實基仔話呢次係特別為老友度身設計，突顯女神氣勢。睇 Vivian行出嚟嘅台型，真係嘩嘩聲，咁多好評，再低啲都掂呀！
俾基仔形容為「性感女軍官」嘅 Vivian，上下開衩又露背，呢啲機會點解要留俾上海呀？
Vivian話佢行騷前兩日，忙到凌晨先瞓，睇嚟有啲作病喎，要戴口罩去綵排。
同基仔合唱過嘅劉翔，多年嚟一直有聯絡基仔，雖然唔見佢去睇騷，但兩人有約食飯。退役後嘅劉翔，活潑咗好多囉。
