掃呢頁CODE去手機

2015年4月17日 星期五

華原朋美掹小室哲哉重生 [忽然1周 - 1029] 小室哲哉,小室,MW,



出外埠

華原朋美掹小室哲哉重生

今年係 41歲嘅華原朋美出道 20周年, 9年冇出歌嘅佢,會喺 5月發行新單曲,仲掹咗已經分手 16年嘅小室哲哉合作,真係歌未出已經夠晒綽頭!







話說 95年出道嘅華原,靠小室闖出事業高峰,二人由拍檔變戀人。可惜 99年分手後,華原自暴自棄,吸毒不特止,仲經常出入精神療養院,睇見佢就慘囉。直到 2012年,生活開始正常番,間中上吓電視出吓活動。 14年,華原全年為出道 20周年作準備,事關 20年對佢意義好大,希望回歸原點。啱嘅,揼晒啲衰嘢,重新嚟過,係好事嚟嘅!據聞新單曲未正式發行,就已經被預定為 4月份開播嘅富士電視台推理劇主題曲,都算同華原打咗支強心針啦﹗

重新復出嘅華原朋美,容光煥發,跟失戀後酗酒、吸毒,一臉頹廢嘅佢(右圖)相比,簡直判若兩人。

華原今年邀請過氣男友小室再合作,事實上兩人早於 13年 FNS歌謠祭同台演出,惟事後小室因表現冷淡俾媒體勁數。

鍾意就快D Share啦!