掃呢頁CODE去手機

2015年4月17日 星期五

林曉峰贏咗個家 [忽然1周 - 1029] 林曉峰,MW,



唔經唔覺林寶同林熙已經 11歲同 10歲,林曉峰同康子妮一人拖一個,一家四口 sweet到爆!

媽咪姐

林曉峰贏咗個家

老竇都有好多款嘅,樓上嘅馬德鐘鍾意熱鬧,林曉峰同老婆康子妮結婚 13年,仍然係家庭行先,有時間就陪吓兩個仔林寶同林熙。話晒小朋友讀中學之後,唔多黐父母,趁依家仲細唔陪佢哋多啲,過兩年真係睬你都傻喇!前幾日媽咪姐喺赤柱撞到佢哋一家四口行街,睇佢幾有威嚴吓,入間舖望咗幾眼唔啱心水,就行出門口。老婆同兩個仔呢,只係跟住佢,冇講一句想睇多陣。林曉峰可能做唔到乜嘢天皇巨星,但夫唱婦隨,父慈子孝,贏晒!







雖然帶埋兩個仔行街,但林曉峰同康子妮各有各睇嘢,都係得個行字。

話晒林熙仲咁細,見到咁多新奇好玩嘅嘢想買都正常。不過媽咪康子妮冇表情,睇個款都知唔會買。

鍾意就快D Share啦!