【7點半搬去9點檔】《大時代》首集狂收投訴 墮樓戲被抽起
2015-04-25 14:32:00
方家…唉！《大時代》電視截圖片
大家都在懷念《大時代》，在晚上7點35分黃金檔期竟然可以播一齣掟晒三個仔落樓嘅劇，意識不良，仲爆粗。
其實那個美好的90年代，唔係真係乜都得。今日有周刊刊登韋家輝一篇專訪，憶述92年播映《大時代》期間面對的種種壓力，包括舖天蓋地的觀眾投訴，無綫正副經理仲邀請咗韋家輝「傾偈」，告之謂《大時代》係一齣好劇集，無奈接到太多投訴，所以播映時段需延後，由7點35分改到近9點時段播。
該周刊訪問中，韋家輝憶述，原意是安排《大時代》於9點播，出街前忽然調去7點35分。韋家輝謂當時已提出話題材敏感，但高層話打緊仗，強推，結果第一晚播出之後，韋家輝即被call爆機，投訴紛沓而至，亦因為咁，方家三兄妹俾丁家四蟹掟落街慘死一場，雖然墮樓場面拍足，但最後都無法出街，就連芳芳同婷婷的死相亦不能播出。
第一集
睇唔睇到…
五蟹赴死
文文被迫至跳樓身亡
欲救無從
展博被掟落樓，這幕在第四十集回憶中重現。
芳芳吳詠紅
婷婷李麗珍
|
鍾意就快D Share啦！
|
|
|