2015年4月20日星期一

劉鑾雄下午帶甘比現身殯儀館劉鑾雄,甘比,

【大劉母離世】劉鑾雄下午帶甘比現身殯儀館

2015-04-20 17:31:00

(攝影：梁繼光、朱志聰、李志明)

大劉劉鑾雄母親葉淑婉上周四逝世，享年94歲，大劉丁母憂，今日中午去完福臨門午膳後，下午三點左右就同兩個妹妹玉慧、玉珍、囡囡秀融、甘比同一對仔女，一家人去到香港殯儀館，為母親安排喪事。

喺今日大約三點，甘比媽媽由保鏢陪同下首先現身殯儀館，五分鐘後大劉兩個妹妹劉玉慧同玉珍就同車抵達，直至三點半左右，大劉囡囡秀融現身，到咗四點鐘，大劉就湊埋甘比同一對仔女秀樺同Joseph Junior，佢哋一家人坐住「1 LOVEU2」車牌七人車出現，大劉先落車，之後就小心奕奕拖住秀樺落車，而甘比就負責抱住囝囝，見秀樺仲着住校服，相信大劉係接咗囡囡放學後就一齊去處理媽媽嘅喪禮事宜，大約逗留咗半小時，大劉就自己一個先行離開。