掃呢頁CODE去手機

2015年4月15日 星期三

閃婚 餅女冇收帖 傳傅穎北京嫁大陸佬 [FACE - 412] 傅穎,MF,



近年轉戰北京發展的傅穎, 1月初回港出席電影宣傳活動時,當時未有表現出待嫁新娘的緊張心情。

真面目

閃婚 餅女冇收帖 傳傅穎北京嫁大陸佬

羊年娛圈多喜事!先有吳雨霏,再到官恩娜,緊接到李亞男,有傳近年主攻強國市場嘅傅穎( Theresa)都秘婚!

有傳新郎哥仲係來自北京富二代添!隻身大陸闖蕩 4年,據知最近 Theresa感情終於得米,遇到屬於自己的「 Mr Right」。經過上一段感情教訓,今次做足保護功夫,餅女一律冇帖收,網上又清一色只擺工作照,婚事隻字不提。不過紙包唔住火,一張「戒指相」就洩密!週日( 12日),本刊追問傅穎媽媽有關女兒結婚一事,傅媽媽全程迴避,只講一句:「我唔會答你哋!」








由餅碎組合到單飛拍劇發展,傅穎變臉技術成為大家熱門討論話題,講到情史,就要追溯到 6年前同羅仲謙嘅一段戀情,起初雙方都唔認,其後傅穎公開關係,仲踢爆前度花心一腳搭四船兼有被打經驗,之後對於感情發展,傅穎都顯得步步為營,鮮有緋聞傳出。

3月 po婚戒洩密

原本傅穎對於婚事保密工夫都做到足,不過紙始終包唔住火,呢張「戒指相」就洩露風聲,準新娘興奮心情點遮都遮唔住嘅!

網上圖片

傅穎對上一段感情就係同羅仲謙,起初兩人都唔認有拍過拖,不過之後傅穎就公開拖友關係,仲爆出被打同羅偷食嘅證據,但傅穎反被公司雪藏,陰功豬。

圖片

傅穎被羅仲謙傷害過,所以就算有新追求者,佢都會三思而行,明顯對上一次戀情仍存有陰影。

封鎖消息

傅穎同羅仲謙斬纜後,就轉戰到北京發展,捱足 4年時間,終於喺內地闖出名氣,劇集一套接一套冇停手,同時間就連緋聞都罕有地近乎零,微博亦只放工作有關相片,情況異常。

實情早在一年前,傅穎喺一個飯局認識一個北京富二代,男方初次見面就被傅穎吸引,仲好快展開追求攻勢,起初傅穎都有擔心,不過對方死纏爛打之下,最終得米,有傳最近仲成功求埋婚。有見上一段感情坎坷,傅穎對住「 Mr Right」明顯都做足保護措施,除微博只放工作照外,就連各餅女成員一律冇派帖,實行低調處理,仲吩咐朋友同家人要守密。

本刊週日( 12日)追問傅穎媽媽有關女兒結婚一事,佢全程表現迴避,只說一句:「我唔會答你哋!」之後就急急腳返屋企,似乎收到 order要封口。

傅媽媽封口

週日( 12日),本刊追問傅穎媽媽有關結婚一事,傅媽媽封口不提,更由友人護送返屋企。

傅穎隻身到北京發展 4年時間,終於捱出名氣,除拍劇外亦不少登台機會。

網上圖片

網上圖片

傅穎同棒棒堂敖犬因合拍《舞動青春》而傳緋聞,當時有指兩人秘遊日本,不過傅穎就否認傳聞。

08年有傳林建岳兒子林孝賢狂用短訊追傅穎,仲搵埋房祖名幫口,兩人試過撐枱腳食飯,不過緋聞之後不了了之。

9餅女嫁咗 4件

組合「 Cookies」出身嘅傅穎,出道 13年仍留在娛圈發展,最近成功搵到另一半,展開人生新一頁。至於其餘餅碎成員都各有各精彩,當中仲有唔少離開娛圈嫁埋人做幸福少奶奶添!

Cookies 9名成員,當中又有幾多個,你仲記得呢?



樂壇愈撈愈掂嘅吳雨霏,年初喺網上公布同初戀男友、網球王子洪立熙嘅結婚喜訊,之後宣布埋同唱片公司環球續約,雙喜臨門。

鄧麗欣同方力申因為合唱歌曲〈好心好報〉傳緋聞,之後同遊馬爾代夫而承認戀情,上年尾仲以情侶檔參加節目《蜜月到訪》。

單身嘅區文詩,不時被爆溝仔新聞,對上一段感情就係金融才俊美國男友 Peter。

楊愛瑾( Miki)單飛後拍戲為主,不過同永安百貨太子爺郭永淳感情發展隱定,有傳將會拉埋天窗。



何綺玲( Elaine)淡出娛圈後,返到澳門生活同完成學業,去年 3月結婚做人妻。

馬思恆( Helena)退出娛圈後到美國修讀藝術治療課程,之後有指佢有意拍電影同 Model工作。

陳素瑩( Gloria)退團後就到曼徹斯特大學進修並考獲會計師牌。

《蘋果日報》圖片



蒲茜兒( Serena)已經退出娛圈, 11年同男友結婚,翌年就喺加拿大安胎。

傅穎曾經為港台劇拍攝結婚戲份而穿上婚紗,未知今次對住真嘅婚禮,傅穎又會揀一套點樣嘅婚紗呢?

鍾意就快D Share啦!