全城熱爆的娛樂八封新聞 & 時事趣聞 & 生活 + 趣聞
金馬倫可能都係托眼鏡啫，嗱，大家再睇睇，隻手指由左邊托到去中間，明顯係想全方位「問候」人。
啱啱先喺今年 1月同 band友 Benji Madden結婚嘅金馬倫戴雅絲，一向對傳媒唔多 friendly，諗住成家立室脾氣會好啲？呵呵，大家真係太高估佢嘅人品嘞！
就上星期，呢位新手人妻出街，一見狗仔隊即用中指托眼鏡，大大個粗口手勢送俾大家，順便仲晒埋鑽石婚戒。講真，唔鍾意人影，咪笠頭套或者避開鏡頭囉，有必要粗口對待嗎？品呢樣嘢呢，無得強求嘅。不過咪以為手上大大粒石就可以提升人格囉，得嘅話，我哋同強國人晨早一家親
42歲嘅金馬倫同細 6年嘅 Benji Madden拍拖 7個月就結婚。
金馬倫當日都係普通行街，又唔係做啲唔見得光嘅嘢，唔知點解反應咁激烈。
中指肩負托眼鏡同送粗口嘅重任，無名指就晒巨型鑽戒，幾咁多用途。
