12/4 精神番晒
月初曾入院檢查身體的阿 Sam， 4月 12日為了支持懷谷拍攝，現身大埔的 studio。雖然他有個小肚腩，但精神不俗，走路亦較日前自然，看來腰患已好轉不少，其間卻忍唔住外出扯幾口雪茄（小圖）。
滾熱辣
澳門開騷後入院 66歲阿 Sam腰患困擾
香港第一代「歌神」許冠傑永不言休，已經 66歲，近年仍然堅持周圍飛開演唱會，未有收山念頭。
4月初阿 Sam才帶住兩個仔許懷欣及許懷谷去澳門開騷，不過有傳返港後因腰患而要入院。本刊影到阿 Sam與老婆外出時行動緩慢，更要扶實車門借力上車，單單一個上車動作已用了逾 10秒。
據知許氏兄弟都有心臟病及糖尿病的前科，故阿 Sam非常小心身體。大仔許懷欣承認父親阿 Sam曾入院檢查：「都想知佢身體有咩唔妥，醫生叫佢唔好再食咁多海鮮。」海鮮含極高膽固醇，直接影響血管和心臟，看來阿 Sam真係要戒口喇！
由七十年代紅到九十年代的許冠傑， 92年宣布退休，在紅館開了四十一場《許冠傑光榮引退演唱會》。大家以為歌神一早搵夠，可以享清福的時候， 2004年他又突然回歸，舉辦《繼續微笑會歌神演唱會》。
及後許冠傑堅持年年開演唱會，除了可以與 fans見面，還可以提攜兩個仔許懷欣及許懷谷，讓他們增加演出機會。歌神在台上風采依然，身手亦相當敏捷，不過年屆 66歲的他近年身體開始出現小毛病，據知情人士透露：「四月初阿 Sam帶懷欣同懷谷去澳門開騷，返到香港就腰痛，之後仲入過醫院做 body check，懷欣都擔心老竇，都有陪老竇見醫生！」
緩慢上車
據知，許氏兄弟不約而同都受疾病煎熬。大哥許冠文年前自爆患有糖尿病多年；而排行第三的許冠英，四年前更因心臟病發於家中逝世；阿 Sam算是最健康強壯的一位，只是受腰患困擾，及膽固醇偏高。記者日前發現，腰患未癒的許冠傑由老婆 Rebecca陪同到沙田新城市行街，在停車場上車離開時，阿 Sam行動明顯緩慢，腰部硬晒軚，當日駕車這重任亦由老婆負責。
4月 16日，許懷欣到電台為新碟宣傳，對於父親的健康，他表示非常關注，亦承認老竇曾作身體檢查：「都係想知身體有咩唔妥，醫生叫佢唔好再食咁多海鮮。佢平時都有做開 gym，我覺得佢 fit過我囉。」 Sam喜歡享受人生，從來不戒口，但為了身體健康着想，現在不得不戒口。
據知 Sam更因為長期站立彈結他，腰部間中隱隱作痛，但他仍堅持無間斷開騷，為囝囝製造更多工作機會。幸好大仔許懷欣相當生性，早年在美國留學曾出版兩隻英文大碟。而現已是兩子之父的懷欣，除了跟歌神老竇做巡迴表演外，亦從事音樂創作，可謂子承父業。
出錢出力支持懷谷
其中許懷谷 2011年成立自己的影片製作公司 PowerUP Motion，搞得有聲有色。許冠傑為支持細仔，不但將自己的演唱會及宣傳短片拍攝工作交予懷谷，去年更以二千多萬賣出持有了 10年的大埔康樂園豪宅，注資入懷谷公司。知情人士指：「懷谷不嬲都對拍片好有與趣，佢 09年同女友結婚仲開埋自己嘅製作公司，阿 Sam啲演唱會都係叫懷谷拍片，有歌神老竇支持，搵食當然冇問題不過做呢行啲專業器材投資都唔少錢，阿 Sam見個仔真係好有心做呢行，上年決定泵水俾懷谷搞大佢。近年懷谷多咗好多 job，最近仲擴充公司，喺火炭租咗個大 office，嚟緊準備搬入去㖭！」
前周日（ 12日）本刊記者拍得懷谷與同事帶同攝影器材到阿 Sam位於大埔的 studio進行拍攝，老竇阿 Sam及媽媽 Rebecca亦在場，其間阿 Sam更行出戶外扯雪茄。呢位廿四孝老竇見到囝囝生性，相信亦甚安慰。
擴充製作公司
今年 37歲的 Scott許懷谷於美國長大，曾修讀創意藝術及平面設計，又曾於荷里活參與電影製作， 04年隨父親回流香港。對攝影工作極具興趣的他， 11年成立 PowerUP Motion製作公司，為陳奕迅、陳冠希等拍攝 MV，同時亦有參與電視節目製作等。
其公司網頁中許懷谷自稱為創作總監，而根據公司商業登記顯示，該公司董事實為許懷谷老婆林鈺雯。將公司交由老婆揸手，似乎遺傳歌神老竇愛妻號的優點。
|
鍾意就快D Share啦！
|
|
|