網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月15日 星期五

契兄妹變戀人 阿嬌設計師男友曝光 [忽然1周 - 1033] 阿嬌,鍾欣潼,MW,



娛樂喧

契兄妹變戀人 阿嬌設計師男友曝光

鍾鍾欣潼(阿嬌)入行以來緋聞無數, 2012年阿嬌和韓籍男友權寧一( K先生)的戀情矚目,可惜嬌 K戀最終都悄然消逝。

愛情路上兜兜轉轉,但阿嬌屢敗屢戰。一向不乏追求者的阿嬌,最近與追了她 3年的設計師 Calvin撻着,兩人由契兄妹變為戀人,阿嬌更親自安排生日派對為男友慶祝, sweet爆。







阿嬌多年來鍾情靚仔, 2012年和韓籍男友權寧一( K先生)戀情曝光。可惜二人因聚少離多,異國戀難以維繫,加上阿嬌發現男友一腳踏兩船,決心斬纜,受情傷的阿嬌揚言兩年唔拍拖。

將焦點放在工作上的她,戮力在內地發展,接拍多部電視劇、電影,又推出首張個人國語專輯。多年來一直不乏追求者的她,最近終於蜜運成功,與相識 3年多,一向以「契哥」「契妹」相稱的圈外男友 Calvin撻着。

煙韌合照

早前阿嬌新歡 Calvin生日,阿嬌以女主人身份現身,又挨實 Calvin。阿嬌舊愛 Johnathan是 Calvin好友,他當晚亦有到場。

阿嬌前年和韓國男友 K先生分手(圖), Calvin就即攝位對她展開追求。

失戀乘機攝位

「 Calvin同阿嬌識咗 3年幾, Calvin一直都好冧阿嬌,但因為識嗰時阿嬌已經同韓仔拍緊拖, Calvin咪惟有認佢做契妹囉。之前阿嬌同 K先生離離合合,每當情緒低落, Calvin都會陪住佢開解佢。之後兩個就孖公仔出席聚會,我哋仲成日笑佢哋好襯,不過佢哋喺人前就扮晒『契哥』『契妹』。之前阿嬌整傷脊椎, Calvin不知幾緊張介紹醫生俾佢,明眼人一睇就知 Calvin好鍾意阿嬌。」知情者說。

陪仔打波

阿嬌在微博自言好耐冇打桌球,但為了陪男友,她亦唔介意再打波。

暗晒戀情

知阿嬌鍾意自拍, Calvin(左)不時陪阿嬌一齊 selfie。

聽話拔罐

阿嬌早前脊椎受傷,在男友建議之下,愛美的她去了拔罐,聽晒對方話。

安排生日

五年前,阿嬌男友 Johnathan(左)是 Yumiko化妝師老公 Andy的徒弟,後來師徒反目。阿嬌雖是 Yumiko好友,但她當時都撐 Johnathan。

35歲的 Calvin外形不俗,家底不錯,自己開設計公司,絕對與阿嬌匹配。去年尾男方發動攻勢向阿嬌展開追求,阿嬌亦相當受落。今年三月 Calvin生日,阿嬌親自相約男方朋友,為他安排生日飯局。影大合照時,阿嬌更黐實 Calvin,個個都知男方已得米。

「佢哋近幾個月好曖昧,不過可能因為 Calvin個好兄弟 Johnathan幾年前同阿嬌拍過拖,佢兩個又係因為 Johnathan先認識,所以咪唔公開囉。」

記者致電 Calvin,他態度友善,但談到戀情,就大耍太極。

記: 我哋收到啲相,你同阿嬌好親密,有人話你哋拍緊拖?

C︰哦!冇喎!邊個 send呢啲相出來㗎?

記︰你同阿嬌係咪以契哥契妹相稱?

C︰係呀,唔方便透露太多喇!唔好意思!

記︰係咪追咗阿嬌好耐,最近先拍拖?

C︰唔係呀,冇呢件事……(驚青)

記︰你哋好親密喎!同阿嬌咩關係?

C︰……我……朋友關係,我唔方便答太多喇!唔好意思!

記︰有機會發展?

C︰唔好意思,我真係唔方便講太多呀!

記︰阿嬌特別安排同你慶祝生日?

C︰係呀係呀……食飯……朋友食飯……唔好意思,我真係唔可以同你透露太多,我返工喇! byebye!

Calvin一時唔認拍拖,一時又話唔方便講太多,想認又唔敢認,似乎都係驚阿嬌唔高興。看來情路多波折的阿嬌,終於遇到筍盤。

新仔出身名校

Calvin Wong(黃允行)今年 35歲,早年畢業於加拿大 McGill大學。該校出過兩名加拿大總理,以及 12名諾貝爾得獎者,屬國際名校。現職設計師的 Calvin,自設公司「茶記設計坊」搞室內設計。他租住淺水灣,在元朗擁有市值約 900萬的四季名園獨立屋,有學識有事業。

Calvin喜愛小朋友,又熱愛運動。

Calvin開設的「茶記設計坊」位於銅鑼灣,辦公室以簡約設計為主。

Calvin現居於淺水灣麗景園,月租要十萬。

契兄妹多戀事

圈中男女不時互相稱呼「兄妹」、「契兄妹」。事實上,契契吓契出真感情的,大有人在。

黃翠如

蕭正楠

去年黃翠如拍攝劇集《師奶 Madam》時同蕭正楠撻着。她最初否認其事,表示只視蕭為契哥,但最終卻殺退正印何傲芝。

黃宗澤

孫驍驍

去年,黃宗澤與內地女星孫驍驍拍劇撻着。有傳兩人秘密拍拖幾個月,但 Bosco指只當對方是契妹。

馬國明

唐詩詠

馬國明、唐詩詠以兄妹相稱,但 2013年唐詩詠獨自陪馬國明過生日,兩人又多次當眾打情罵俏。

吳卓羲

Toby

2012年拍《衝上雲霄 2》外景時,兩人被拍得深夜在酒店泳池水戰,人前又毫不避忌,不時以「兄妹情」解畫。

鍾意就快D Share啦!