陳偉霆異地緣旺 同阿 Sa五年情玩完？ [忽然1周 - 1033] 陳偉霆,MW,

2011年，阿 Sa俾《忽周》影到同 William去泰國拍拖，當時被指女尊男卑。不過福布斯中文網啱啱公布 2015中國名人榜， William排 70位，阿 Sa排 95位。風水輪流轉，唔通感情都跟住變？

媽咪姐

陳偉霆異地緣旺　同阿 Sa五年情玩完？

阿 Sa（蔡卓妍）同陳偉霆（ William）拍拖 5年，話佢哋分手嘅新聞真係從來無停過。啱啱因為一位自稱係「娛樂評論人」嘅網民喺微博爆料，話呢一 pair已經正式分手，網上即刻瘋傳呢個消息，兩邊粉絲仲開埋火㖭！

其他影片：>>阿 Sa陳偉霆分手有玄機？

嗱，媽咪姐可以講話睇住阿 Sa入行嘅，真心想呢個咁精靈嘅女仔可以搵到個好歸宿。但近呢一年發現阿 Sa同 William真係少咗一齊，連網上面嘅互動都冇。正所謂「空穴來風，未必無因」！今次連兩位當事人都冇乜回應，媽咪姐真係有啲擔心噃。都係八卦啲，問吓麥玲玲師傅先！點知麥師傅一開口就話：「其實佢哋初初拍拖，我已經唔係十分睇好，因為狗（阿 Sa生肖）同牛（ William生肖）唔係特別夾。而且 William今年沖太歲，阿 Sa就犯太歲，都差唔多㗎嘞。睇命格，其實佢哋唔似一 pair，似過客多啲。阿 Sa喺 2017年會再有婚姻運，而 William嘅婚姻運喺 2018、 2019，亦都唔太合。」

八字唔係太夾啫，但據聞分手原因係聚少離多，咁 William返香港發展咪得囉！「 William屬木，係水浮木飄，冇根嘅，離開出身地發展會比較好，而佢都容易有異地姻緣。」嘩，加埋之前啲蛛絲馬跡，咁呢段情真係有啲危咁喎！

網民微博爆料

周二晚（ 12日）有資深網民喺微博話收到阿 Sa同 William嘅「分訊」。無幾耐，佢又發微博，話分手係阿 Sa提出，仲話：「按照女方對上一段婚姻的一向作風，暫時對外不會公布。」網民即時議論紛紛。

今年差唔多嘞！（真實對白）

唔撐女友

上個月，阿 Sa第一次角逐金像獎影后，但 William全程失蹤，喺微博都只係掛住谷自己套新劇，連鼓勵女友嘅說話都冇一句。有啲奇怪囉！

旅行無影

以前阿 Sa同 William無論幾忙，每年都一定會去旅行拍吓拖。但阿 Sa呢一年嘅旅伴變咗係阿爸同阿嬌。 William身邊就換咗唔同嘅國產女拍檔，不過佢啲大陸粉絲又出奇接受喎，反而唔多 like港產阿 Sa。

各顧各

之前，阿 Sa同 William會好 sweet互相喺微博貼吓對方嘅嘢。但 William上年拍大陸劇《古劍奇譚》紅咗，只顧宣傳自己。就算依家傳出「分訊」佢哋都冇回應，只 post自己啲工作相，得阿 Sa經理人 Mani同記者講：「唔係事實嘅嘢唔回應喇。」呢段情，會唔會太冷淡呢？

鍾意就快D Share啦！

下一篇 》