熱爆娛樂: 徐淑敏孻女孻心肝 [壹週刊

2015年5月7日星期四

徐淑敏孻女孻心肝 [壹週刊 - 1313] 徐淑敏,M1,

同你吟一吟

徐淑敏孻女孻心肝

鍾意一家出動嘅黃浩上個禮拜五（五月一日）同老婆徐淑敏，帶埋三個寶貝女，仲有外母、家姐加埋保鏢外傭，一隊兵咁去咗圓方睇戲家庭樂。

睇戲前先行書店， Suki執咗十幾本美容同兒童書，埋去櫃位俾錢，店員推介特價米妮公仔，買！仲即刻將公仔俾咗坐响 BB車上面嘅細女 Isabella黃沁誼。

之後轉場去 HMV買卡通影碟，大女 Vianna同二女 Renee冇四圍走，乖乖坐响玩具區，同其他小朋友一齊玩。

買完嘢，徐淑敏帶住三個女去戲院搵老公睇《復仇者聯盟 2：奧創紀元》，不過因為細女太細個，唔可以入場，要由外婆、外傭同保鏢代為照顧。

要同個女分開兩個幾鐘， Suki表現超唔捨得，兩公婆仲一齊錫啖 Isabella先入場。套戲其實得兩小時二十一分鐘，都咁唔捨得，孻女孻心肝，冇錯。