掃呢頁CODE去手機

2015年5月18日 星期一

嫌嘉穎老餅花弗 陳凱琳父母疑阻戀情 凱琳,鄭嘉穎,嘉穎,陳凱琳,





其他影片:>>






鄭嘉穎同陳凱琳嘅忘年戀傳到㷫烚烚,嘉穎接受訪問時更話希望同Grace有發展空間,而女方都好似幾嗒糖咁架,不過都要過咗Grace父母嗰關先有得講!

尋日有報導踢爆,話Grace嘅父母覺得囡囡有學歷、有家底,點知竟然揀著大自己廿幾年又花弗嘅鄭嘉穎,Grace父母梗係唔鍾意啦。佢哋擔心個女俾人玩,急急腳叫Grace同鄭嘉穎斬纜。不過據報導所講,Grace今次係第一次拍拖,遇著鄭嘉穎呢個冧女高手,Grace完全嗒晒糖,點會想分手。

早前問到父母知唔知二人戀情時,Grace更話主導權喺自己手,Grace媽咪又嬲又心淡,仲趁母親節拉埋老公離港出走,而Grace唯有喺母親節當日上載同媽媽舊合照,留言話:「I Miss You」試圖氹番媽咪。不過照咁睇,如果Grace想氹番阿媽,真係同鄭嘉穎斬纜先得。
鍾意就快D Share啦!