掃呢頁CODE去手機

2015年5月3日 星期日

蘇永康教路安仔穴位壯陽 安仔,蘇永康,許志安,



剛為人夫的許志安前晚舉行第二場個唱,心情靚爆,惟全晚遭BIG FOUR三子蘇永康、梁漢文(Edmond)及張衞健(Dicky)「擺上枱」,Dicky先寸爆安仔為儲奶粉錢而慳酬勞,康仔則取笑安仔要按湧泉穴壯陽!

剛為人夫的安仔大唱情歌。

吊威吔的安仔大唱冧歌,觀眾不停尖叫。

Edmond與安仔互攬玩「基」情。

感觸落淚Dicky(右)與安仔互相安慰。

康仔(左)與安仔合唱時咪高峰失靈。

安仔的大型頭像布景被好兄弟用來開玩笑。

許志安前晚在紅館舉行第二場《Come On許志安演唱會2015》,邀得好兄弟蘇永康、梁漢文及張衞健擔任嘉賓。在BIG FOUR四子中,最後一個「入閘」做老襯的安仔,在逾萬名觀眾面前,慘遭兄弟寸爆,毫無招架之力。

撳咗湧泉穴許太唔得閒

向來牙尖嘴利的Dicky,率先自爆當「義工」,並食住上自嘲應自封為「老奉」:「次次你開騷我就老奉要嚟,老奉要講好多嘢同老奉冇錢收。你刮埋刮埋咁多錢做咩?儲奶粉錢呀?呢個世界有人奶o架。」擺明暗寸家有平胸老婆的安仔要急儲奶粉錢,說畢台下即報以熱烈的歡呼聲。Dicky玩完一輪轉賣溫情,與安仔合唱《明星》時感觸落淚。

雖然有笑又有淚,但當Dicky之後再拍埋Edmond及蘇永康,即KO安仔。期間Dicky着蘇永康及Edmond上台時「參拜」安仔的大型頭像布景:「入屋叫人,入廟拜神,見到咁大個許大仙都唔拜吓。」望着三子向「自己」鞠躬的安仔無力還擊,相當無奈,康仔更乘勝追擊,並指着頭像下方說:「呢個湧泉穴壯陽o架,撳咗許太今晚好唔得閒。」

Edmond爆「基」情

而Edmond登場與安仔合唱《美中不足》時亦大玩「hehe」,兩人頭貼頭之餘,又拖手兼為對方掃背,「基」味甚濃。Edmond其後笑問安仔對自己有否感覺,安仔說:「冇,頭先幾怕你咀埋嚟,你咩都做得出o架。」此外,演唱會發生「蝦碌」,原本唱着《那誰》的康仔以升降台出場和安仔對唱時,突然咪高峰失靈,需工作人員換咪,唱畢後觀眾高呼Encore,康仔即向安仔說:「咁返落去再唱多次。」並叫觀眾保持高漲情緒,贏得全場掌聲。

剛為人夫的安仔大唱情歌。

吊威吔的安仔大唱冧歌,觀眾不停尖叫。

Edmond與安仔互攬玩「基」情。

感觸落淚Dicky(右)與安仔互相安慰。

康仔(左)與安仔合唱時咪高峰失靈。

安仔的大型頭像布景被好兄弟用來開玩笑。

鍾意就快D Share啦!