全城熱爆的娛樂八封新聞 & 時事趣聞 & 生活 + 趣聞
Coffee講完冇耐話要避忌，轉頭喺今個星期一（ 18日）又同有婦之夫嘆啡 gathering。
因喺「殘廁 gathering」響朵嘅 Coffee（林芊妤），之後又傳同江湖人「上海仔」扯上關係，突然富貴。媽咪姐聽佢講依家唔敢同男性朋友出街，話連親熱都有啲陰影喎，又自嘲自己有創傷後遺症，即使有追求者埋身，都全數拒絕咁話！
講就易嘅，前幾日媽咪姐又喺網上發現佢去咗一間 coffee shop，話就話捧個陳姓老闆場，轉頭仲陪人直落食埋晚飯，當然唔少得同陳老闆留倩影啦。不過 Coffee咁主動波壓兼捉住人哋隻手，令到陳太唔少老友都睇唔過眼，寸陳老闆趁老婆入咗院就作反。 Coffee見咁大迴響，都有留言補鑊，但睇嚟冇人受囉。
之後又陪陳老闆巡視業務，去到酒樓打卡，仲波壓老闆兼摸手臂。睇吓老闆個樣幾受落，仲上 fb留言多謝 Coffee。
陳太班老友就戥陳太唔抵，留言寸陳老闆作反，叫佢自己執生。 Coffee雖然留言俾陳太補飛，但都冇用。
搞完人夫跟住就撇，唔係咁好囉！
