光頭Eddie唔止一次背未婚妻朱慧敏，同其他女仔又攬又拖，之前兩次，朱慧敏都開聲幫Eddie撐，不過今次，女方除咗話將件事交俾男方處理，最大鑊係單方面決定延遲婚期，三年感情真係危危乎。
餐餐要搵女方拆彈，今次Eddie就學精啦，識喺微博公開認錯，叫未婚妻原諒，而我哋今日就喺佢大埔寓所，搵到佢親自回應呢件事。
對於再三俾人影到拖女，Eddie話自己係有同女仔有親暱動作，但就絕對冇對朱慧敏唔住，仲話由始至終都想娶佢，不過就承認呢個月大家冇見，最後佢仲公開作出呼籲，叫女仔唔好上佢架車，Eddie講到咁，唔知Queenie你收唔收貨呢？
