全知言
邊個美魔男 keep得最 fit？
唔係女人至怕老㗎！男藝人一樣會老會皺皮，之但係世界係唔公平，硬係有啲男藝人好似冰封咗唔會老咁，睇下最近《大時代》班蟹仔變咗蟹佬，一樣咁活躍就知
全知言即管問吓大家覺得邊個男藝人最 fit，估唔到謝安琪嘅答案唔係老公張繼聰，而係……
谷德昭 華哥永遠 fit
我覺得華哥任達華好 fit！永遠都咁 fit！（你覺得華哥可唔可以做番廿零歲嘅角色呢？）即係點？着住校服扮 F.5咁？又好似誇咗啲！哈，《那些年》嗰啲咁樣呀？其實 fit嘅意思，我諗唔係夾硬返老還童，係咩歲數散發一種咩嘅味道啦，同埋個人輕鬆囉！
謝安琪 一定係鄧梓峰
一定係輕輕鬆鬆鄧梓峰，因為 keep到皮膚、 keep到身型當然係勁！ keep到個心態係更勁！我噚日至喺菲律賓撞到十郎（鄧梓峰），我覺得佢比巴斯光年更加長青呀！（點解唔係張繼聰？）輕輕鬆鬆都可以擺落張繼聰度嘅，點解我會揀十郎呢？因為十郎喺我 10年前入行同𠵱家都一樣嘛，但張繼聰比 10年前嘅張繼聰係多咗好多肌肉啦，同埋好多嘢都有進步！但係講 keep吖嘛，咁佢由𠵱家開始 keep就啱喇！
盧凱彤 安仔腹肌硬
我覺得係許志安，因為佢啱啱開完紅館演唱會，梗係 keep得最 fit，佢嗰 6嚿腹肌……應該好硬！
林二汶 古仔冇老到
Keep得最 fit嘅男藝人係古天樂，因為由睇電視到睇咁多電影，佢都係冇老到，一樣係咁靚，一樣係咁 fit。冇同佢合作過，希望有機會（做情侶？）太搞笑喇！希望可以做佢個妹
街坊讚男神黃子華
黃子華因為佢身形好 firm，佢五十幾歲，佢楝篤笑同最近個廣告都有睇，見到佢都想同佢傾吓偈。
少爺占啦佢最 fit！冇乜脂肪，幾好唔錯！年紀有番咁上下都唔錯（ 38歲已經好老?!），行街有撞過佢，佢太 fit唔夠膽行埋去。
應該係羅仲謙，大隻囉！而且個樣都冇乜點變，都係咁後生！做戲都 ok嘅，電影就冇睇，電視劇就有。
知無不言 言無不盡 我係全知言
|
鍾意就快D Share啦！
|
|
|