2015年5月26日星期二

大S日日驚BB胎死腹中：是不是沒心跳了？大S,徐熙媛,

【高齡產婦的憂慮】大S日日驚BB胎死腹中：是不是沒心跳了？

2015-05-26 16:40:00

小玥兒去年4月出世，轉眼歲幾，感覺好似好大個咁喇喎…

高齡媽媽不易為，40歲徐若瑄為陀B可謂吃足苦頭，因為胎位太低，亦有傳因為子宮虛弱流產，故需接受子宮頸環紮手術，且臥床至今已逾五個月。同屬高齡產婦、已屆38歲嘅大S（徐熙媛），去年4月誕下女兒汪希玥（小玥兒）後，渾身散發母愛。但其實佢懷孕期間，亦天天擔驚受怕，成日懷疑BB胎死腹中，壓力好大。

最近大S去上海錄影內地節目《你正常嗎》，剖白懷孕期間心路歷程。佢話，當時真係日日擔心BB會死。大S話:「看我妹妹(徐熙媛)懷孕就是一般的孕吐，可我自己懷孕後，常常會懷疑孩子死在我肚子裏，每次產檢都問醫生，『是不是沒心跳了？』。醫生罵我:『你可不可以別講那麼大聲！外面的孕婦聽到會被你嚇死。』大概是我懷孕的時候心態不正常。」

BB出世之後，大S仲坐緊月，已經嗌減肥，連續一個禮拜只飲湯水，餓到天旋地轉。大S自責:「這是非常錯誤、不健康的做法，也順便提醒媽媽們不要在月子期間減肥，要減也得在生完三個月後進行。」

雖然陀B期間擔驚受怕，但大S話佢仲好想生二胎第三胎，佢話:「現在想還是順其自然吧，如果我這個年紀還生得出來，那就生。」佢又笑言人家係「虎媽」，佢就係「貓媽」:「我女兒每天一起床就喊『媽媽』，要我抱她，然後開始指東指西。我懶得走，說那邊不好玩，她就『嗯嗯嗯』，逼我一定要帶她去。所以我每天抱著她，像計程車一樣被招呼來招呼去。」至於復出拍戲，大S話要睇緣份喎。

小S出名口沒遮攔」，大S當然更甚。講完懷孕苦樂，佢就笑老公汪小菲，盛讚老公個胸好勁好挺:「一看胸挺挺的，就很想溫存一下。」仲大膽講「捐精」呢個話題，佢話，大家只要俾足3000萬人仔，就考慮同意汪小菲捐精，理由係「我老公DNA不錯啊」。

不錯都值3000萬？