掃呢頁CODE去手機

2015年6月12日 星期五

貴姓呀?陳生! [忽然1周 - 1037] MW,



小春一見到媽咪姐,主動 say hi兼舉 V,真係轉性呀!

媽咪姐

貴姓呀?陳生!

前幾日,媽咪姐一如既往出中環濕平,好日都撞唔到人,一撞就撞到出名躁底嘅「山雞哥」。正諗住掉頭走之際,陳生竟然主動同我 say hi,仲懶得意咁舉 V字手勢!







陳生態度 180度轉變,唔發脾氣之餘,仲識主動打招呼,真係冇乜幾何!再加上近排又同老婆丁丁影寫真晒恩愛,「山雞」味冇晒,剩番陣「好男人」除,睇怕梗係丁丁日日喺屋企好勤力咁 train小春嘞!

臨出車,小春又再同媽咪姐講 bye bye。唔通做咗政協真係唔同啲?點都好, keep住呀。

小春試鞋時,將頂住鞋頭嘅紙團隨手丟,睇嚟「山雞」霸氣仲未搣甩晒,要俾丁丁再培訓

小春同丁丁為咗慶祝結婚 5周年,前排就影咗一輯寫真晒恩愛,睇嚟「山雞哥」真係完完全全俾老婆收服咗!

鍾意就快D Share啦!