掃呢頁CODE去手機

2015年6月12日 星期五

幕後人員爆  Bobby拍劇 5大惡習 [忽然1周 - 1037]Bob, 歐陽震華,Bobby,MW,林盛斌



樂易玲跟 Bobby經理人傾合約陷入膠着狀態,現由曾勵珍接手繼續傾落去。

滾熱辣

幕後人員爆  Bobby拍劇 5大惡習

上周突然傳出「收視福將」歐陽震華( Bobby)不獲大台續約,其經理人 Lydia怒插藝員科總監樂易玲親口說「有啱先搵你」,續約事件改由戲劇製作部總監曾勵珍接棒斟洽。

最近,有幕後人員爆料,指 Bobby拍劇十分大支嘢︰「 Bobby近年拍劇有五大惡習,揀劇本、揀對手、拒接早晨通告唔在講,甚至唔黐頭套,舊年仲加埋夏天要唞暑㖭!」剛剛 3月份, Bobby拍罷的新劇《東坡家事》就嚴重超支,令大台高層十分不滿,加上他有個非常經理人,難怪連 Bobby都表示續約機會只是︰「五十五十」。










去年 12月,樂易玲與歐陽震華經理人 Lydia開始傾 Bobby續約問題。當時 Lydia鑑於大台條件不算吸引,加上 Bobby一心想闖內地,續約一直拉鋸。由於傾約拖足半年,其間大台為 Bobby新劇《東坡家事》埋單結算時,發現因為要遷就 Bobby檔期,劇組嚴重超支。大台為慳荷包,遂想把雙方合作形式由一年一劇改為兩年一劇,但 Lydia知道後大感不滿,曾嬲爆鬧:「 Bobby都要搵錢㗎!」

113年 Bobby曾因急性肺炎入院,病癒後在妻子傅潔嫺(右)和經理人 Lydia(左)陪同下離開。

Bobby係梁家樹愛將,他拍過的《賭場風雲》及《法證先鋒》系列,都是出自梁家樹派系。

拆廠燒銀紙

據一幕後人員爆料︰「 Bobby係有收視,但佢啱啱拍完嗰套《東坡家事》超支好勁,原因係佢近年勁錫身,成個劇組都知佢三點不露㗎佢拍拍吓一句︰『好攰呀!唔舒服!』就走人,搞到廠景個期 over晒。但第二套劇又接住拍,咪惟有拆完再搭番個景拍過囉。區偉林(大台助理總經理)都鬧爆燒銀紙。」

由於《東》劇廠景拆完再搭,拍攝期延長足足一個月,劇中演員黃心穎與陳煒直認此事。黃心穎說:「古裝啲景可能比較複雜啦……(成本咪好貴?)有時會有突發情況。」而陳煒就話:「有時劇本前前後後(意指跳拍),要拆同搭幾次好正常。( Bobby有冇甩期?)唔清楚喎,總之我自己嗰部分就好快完成。」

其實多年來, Bobby一直是大台前戲劇製作部總監梁家樹愛將,當年得總經理陳志雲撐腰,待遇優厚。不過自從陳志雲離開,加上去年初梁家樹也離巢,沒高層撐腰的 Bobby,要曾勵珍接手硬食他的拍劇習性,當然要諗過度過,所以目前 Bobby續約仍在膠着狀態。

「 Bobby係梁家樹黨,珍姐唔睇㗎!之前嘅梁黨派,好似吳卓羲、宣萱同徐子珊,珍姐嘅劇都唔多用㗎,唔係自己人嘛!」知情者說。

冬天拍劇

Bobby夏天唔開工,《東坡家事》也因此遷就他,改在冬季才在無錫開拍。

唔戴頭套

《東》劇演員都要戴頭套,但 Bobby怕甩頭髮,所以改戴帽同黐「的水」。

雖然 Bobby強調《耀舞長安》是夏天拍攝的,但其實《耀》劇當初原定 3月開拍,後來因為易角問題,才延遲至 5月。

非常經理人

Bobby直言大台開出的條件跟他想像的有一段距離。對於揀劇本及揀對手,他就坦言個個幕後都好尊重佢,讓他提議心水對手,或提供不同選擇俾佢。

今次大台與 Bobby傾約一波三折,其實與經理人 Lydia不無關係,「 Lydia出名辣,同佢合作過嘅人都怕咗佢。之前有外地公司搵 Bobby登台,包機票、酒店好正常,不過 Lydia就要求額外包埋佢由屋企搭的士去機場嘅費用,聽聞的士費竟然開 5千蚊。製作行頭咁窄,大陸單位聽到 Bobby的拍劇習性,都要考慮考慮」知情者說。

Bobby未泊到內地碼頭,惟有繼續同大台傾續約,不過三月尾 Bobby錄影《今晚睇李》時,竟表示︰「拍完《東坡家事》需要休息吓!都一把年紀,真係要注意吓。之前拍《耀舞長安》睇住幾個同事中暑……夏天拍古裝啲衫特別厚……希望拍多啲時裝劇。」大台高層聽到 Bobby咁講,不禁 O晒嘴。

逐點反擊

黃心穎(左)同陳煒(左)都直認《東》劇的確經常拆廠。

6月 10日,記者就續約一事,訪問從家中出來取車的 Bobby。他說︰「未開始傾,但五十五十我不嬲產量唔多,簽一年三部又得,簽三年一部都得,睇吓我簽唔簽啫。點解傾咁耐?大台俾我嘅條件同我想像始終有段距離。」

當問到幕後人員爆他唔肯開早班,他說︰「之前陳志雲同我傾好,俾十個鐘我休息,雖然合約冇寫明,但佢口頭應承咗,我唔係唔開早,你早收我咪早開囉。至於話我唞暑就錯晒!《情逆三世緣》同《耀舞長安》都係夏天拍,《東坡家事》本來都係六、七月拍。我就話唔好啦,天熱要我開古裝,你唔驚我瞓低咩?咁就真係阻礙進度,點解唔可以改冬天拍啫?你又唔係趕住出街,點解唔就吓(我)啲老人家?

「講到《東坡家事》 over(時間),拍劇我都好少聽到 under嘅。用四個月拍 30集古裝,有廿幾日返大陸拍,問心講一啲都唔 over,最多 over少少。」 Bobby當然有自己的立場,不過其高人一等的待遇,獨大的大台當然唔 buy。

拒拍戶外照

拍攝 2014年月曆時,傳 Bobby拒戶外拍, Bobby直認此事:「我咁老同班𡃁仔踢波,唔通做球證咩!唔好玩我」

同年的月曆,無論中生苗僑偉(上)或小生(羅仲謙)等,個個都要戶外拍,其實三哥輩份仲老過 Bobby啦。

人仔唔易搵

近年藝人多北上搵人仔,不過內地的文化與香港差異甚大,並非個個香港藝人北上都撈得掂。

宣萱

2012年宣萱在內地拍《祥子的故事之新都市人》時,被同劇演員指責「大牌」及「強勢」,宣萱則反指劇組拖欠尾期酬金及要出席飯局。

陳慧珊

06年陳慧珊在內地拍《狼煙》時,被指要求多多,加上她的「鬼婆」性格,與劇組人員未能磨合,故入行至今拍內地劇不足十部。

鍾意就快D Share啦!