掃呢頁CODE去手機

2015年6月29日 星期一

東京攻略下月播 世界級港女杜如風再晒命 杜如風,東京攻略,



「世界級港女」杜如風又再同大家見面喇!杜如風無懼網民圍插,再次同大台合作,拍攝新一輯旅遊節目《東京攻略》,嚟緊7月一星期5晚都對住大家。

杜如風主持嘅《流行首爾》今年年頭喺大台播放,結果引嚟20萬網民聲討,要求腰斬節目。事關一向大癲大肺嘅杜如風,不斷喺節目大晒自己有幾多名牌,又話自己屋企又過千對高踭鞋,被網民封「世界級港女」。網民仲大插杜如風嘅主持方式,頂唔順佢說話無語調,講嘢慢半拍,反應遲鈍;又批評節目內容只係玩同購物,欠缺旅遊資訊。

今次杜如風同大家去東京,唔知經過上次後會唔會收歛一下佢嘅港女性格,定係唔怕得罪網民,繼續做自己,晚晚同大家晒命呢?
鍾意就快D Share啦!