手持過億資產，佘詩曼每月淨收租都夠使，拍劇搵銀梗係唔再搵命搏，健康更重要。
「阿佘同好多圈中人一樣，買嘢唔一定用自己名。好似之前買跑馬地同紅磡嗰兩個單位，都係用秘書公司hold，所以冇乜人知。而家跑馬地個單位收緊八萬租，所以阿佘冇乜供樓壓力；之前佢推咗《呂后傳》，都係因為要戴住十幾磅古裝頭套，隨時會令佢頸椎舊患復發，阿佘話錢賺唔晒，無謂搵命搏。」知情者說。
有籌碼就有數講，揸住過億磚頭的阿佘，自然健康優先。
資產逾億，阿佘成功達陣，全因財來有方。有指今年底約滿無綫的她，早已被明年四月開台的港娛睇上眼，不斷有所動作，希望從無綫手中撬走這個一姐，大台不容有失，不惜一擲半億成功留人。
