【後政改時代】
【本報訊】中聯辦主任張曉明前晚要求建制派對群組短訊外洩一事「到此為止」，不要追究，但無法阻止建制派議員私下「捉鬼」。據悉建制派議員已私下鎖定無政黨的謝偉俊是洩密嫌疑犯，立法會內泛民議員也加入「追兇」行列，鎖定身兼港區人大的議員吳亮星疑是洩密「真兇」。謝偉俊昨高調出席電台節目否認指控，強調事件「到此為止」，吳表明「梗係唔係我」。
記者：呂浩然 林俊謙
據知張曉明前晚與建制派議員茶敍時批評，洩漏短訊的行為是「出賣朋友」，希望事件「到此為止」，建制派也不要再糾纏下去，強調身為政治人物應該有政治道德和做人的原則。自由黨方剛更形容，張曉明談及洩密一事時表現很「激氣」。
曾鈺成：不應再去捉鬼
事件主角之一的曾鈺成昨日亦稱，建制派已有共識，「唔應該再去做呢啲所謂捉鬼，（因為）個意義唔大」，重申目前最重要是團結一致，面對未來的挑戰，「唔係再去互相指摘，或者搵一啲、呢啲所謂捉鬼嘅嘢」。
不過建制派似未有放棄追查內鬼，再加上有傳媒前日再披露港區人大的群組短訊內容，令五位身兼港區人大的議員，包括民建聯葉國謙、新民黨田北辰、無政黨馬逢國、廖長江和吳亮星，霎時間成為有嫌疑的洩密者，泛民陣營更將吳亮星視為洩密「真兇」，多名泛民議員私下質疑，吳身為立法會行政管理委員會及政府帳目委員，一直被懷疑向傳媒洩露兩個委員會機密資料，「肯定唔止一次，連建制派都知」。
至於建制派將「捉鬼」矛頭指向謝偉俊。有立會議員稱，謝同為帳委會委員、除一樣曾經疑似洩密外，更有議員私下投訴，以往立法會外訪時發生事件，有傳媒迅速得知內情，不少議員也懷疑是謝「報料」，加上謝一向對事件另一主角葉國謙有意見，又提議建制派「班長」可由建制派政黨輪流擔任，此舉被視為覬覦「班長」一職，更令建制派視謝為頭號嫌疑內鬼。
謝偉俊昨兩度在電台節目否認是洩密者，強調「唔係（洩密者），到此為止喇，我唔想再評論任何嘢喇」，又堅稱自己「從來冇刻意做任何嘢去破壞曾鈺成主席嘅威信、破壞建制派嘅團結」，又指短訊外洩可能是有人把手提電話「周圍擺」所造成，「會唔會係有人攞咗呢？定還是有其他科技？」吳亮星也否認為洩密者，強調「梗係唔係我」，並表示不知誰洩密。
至於五名身兼港區人大立會議員也否認洩密。葉國謙指港區人大在政改表決後對結果有很大意見，另一身兼港區人大立會議員廖長江遂把港區人大群組短訊，轉發到建制派群組，換言之建制派議員亦擁有相關的港區人大群組短訊內容，故洩密者不一定為雙料議員。廖長江則不欲多談事件，只稱「唔好意思，我冇comment（評論）」。
田北辰：爆料者落地獄
田北辰也強烈否認自己為洩密者，「我已經話咗，邊個係爆料者應該打落18層地獄、永不超生，我暫時未想落地獄住」。馬逢國也否認自己為洩密者，「我漏出嚟？係咪因為（群組短訊紀錄內）冇我個名？」他又強調「冇（洩密），唔係（洩密者）」。
建制派無政黨議員林大輝炮轟洩密者所為，「我覺得梗係非常之冇道德，亦都係一個下三流嘅手法」，並覺得要「捉鬼」很難，他又自言相信因果，所以「有做嘅人終歸係俾人知道，而事情嘅真相隨住時間亦會暴露出嚟」。
|
鍾意就快D Share啦！
|
|
|