拍大台劇《潮拜武當》而撻著的張景淳和Regen張惠雅，先後被指一腳踏兩船，Regen和前男友爆出家暴事件，而張景淳則被拍到街頭爆喊箍煲，求與女友宋雙佳復合，四角關係亂晒籠。今日就有雜誌報導，當日張景淳溝Regen時扮晒單身，才令Regen落搭出事。
據報導指，Regen同圈外男友Esta沈瞳伽拍拖半年，已因為性格不合而分手，而Regen則在去年聖誕節期間開始拍拖，而Regen更向記者表示，當日佢有搞清楚大家都係單身先開始，而且同劇演員亦聽過張景淳自己係單身。可惜真相是張景淳當時仍有一位正印女友宋雙佳，而今年情人節前，Regen亦以性格不同，主動向張景淳提出分手。
