掃呢頁CODE去手機

2015年7月22日 星期三

事隔 10年拍《神奇 4俠》 換血 Reboot [FACE - 426 - 外地娛樂] MF,



由 Jamie Bell飾演的石頭人,原本是太空人,但變成石頭人後,擁有岩石皮膚,更有無堅不摧的神奇力量。

西區

事隔 10年拍《神奇 4俠》 換血 Reboot

作為 Marvel歷史最悠久,兼全球銷量 1億 5千萬本的經典英雄漫畫《神奇 4俠》, 2005年拍成電影,全球勁收 26億港元票房。相隔 10年,《神奇 4俠》重新 reboot應市,加入暑期猛片行列同《蟻俠》激鬥。

話明係 reboot,故事內容同十年前冇乜分別,但主角全部大換血,舊有主角好似索女 Jessica Alba同《美國隊長》 Chris Evans唔見晒,換上演過《鐵甲奇俠 2》的性感辣妹 Kate Mara做隱形女俠、《鼓動真我》型男 Miles Teller做神奇先生。雖然有人預測新不如舊,但作為超級英雄 fans的你,點可以唔睇?

2005

10年前 Jessica Alba拍舊版《神奇 4俠》時,只得 24歲,唔只青春可人,着上緊身戰衣,身形玲瓏浮凸,迷死唔少宅男。

新版《神奇 4俠》故事其實同舊版差不多,講 4個年輕人被送上太空,返回地球後,變成 4個不同的超人。 Miles Teller飾演的神奇先生能屈能伸、 Kate Mara飾演的隱形女俠識隱形、 Michael B.Jordan飾演的霹靂火曉得噴火兼飛天、 Jamie Bell飾演的石頭人硬過石頭, 4個新進戰士會同末日博士 Dr. Doom決一死戰。

1.點解 Jessica Alba唔拍新版《神奇 4俠》?

Jessica於 08年同老公 Cash Warren結婚,還生咗兩個囡囡。有女萬事足的 Jessica,經常被影到一家四口出街享受家庭樂。

電影早於 09年已籌備開拍全新《神奇 4俠》系列,當時還着意找原本演過隱形女俠的 Jessica Alba演出,但有指當時 Jessica因剛與老公 Cash Warren結婚還誕下大女 Honor不久,為免因工作影響家庭生活,於是推拍。之後電影公司便改變策略,決意將《神奇 4俠》重新 reboot,但將導演及片中 4個主角亦全部大換血。

2.今次飾演隱形女俠的 Kate Mara係乜來頭?

Jessica Alba唔冧莊,新版《神奇 4俠》中的隱形女俠一角,就由今年 32歲,曾演過《鐵甲奇俠 2》及美劇《紙牌屋》的 Kate Mara頂上。據知電影公司選角時期,還有另外 3名女星包括曾演過《華爾街狼人》的女主角 Margot Robbie同 Kate爭做隱形女俠,但最後由 Kate勝出。不過唔少睇開舊版《神奇 4俠》的觀眾,都認為 Kate的氣質及魅力難跟 Jessica Alba相比。

新版《神奇 4俠》由 32歲的 Kate Mara演隱形女俠,唔少舊版《神奇 4俠》擁躉都嫌佢年紀大咗啲。網上圖片

其實 Kate亦屬有料之人,在美劇《紙牌屋》中曾露出胸圍晒本錢。電視畫面

3.飾演神奇先生的 Miles Teller點解參演?

導演 Josh Trank(小圖)大讚 Miles Teller個樣帶有俊氣,而且演技好,一定能幫《神奇 4俠》增添笑料。

舊版《神奇 4俠》飾演神奇先生的是 Loan Gruffudd,但新版轉咗由曾演出《鼓動真我》的 Miles Teller頂上。有份扮演 Marvel漫畫英雄等於升咗呢,但 Miles坦言答應演出並不是為漫畫本身,而是導演 Josh Trank:「坦白講,我細個時唔係英雄漫畫迷,今次參演主要是因為導演 Josh Trank,他很會講故事,而且游說能力很強,加上以我所見他的管理能力亦很高,我信任他所以答應演出。」

鍾意就快D Share啦!