掃呢頁CODE去手機

2015年7月22日 星期三

甩拖沈卓盈貶回青衣公屋 [FACE - 426] 沈卓盈,MF,



沈卓盈宣布單身,心情都冇影響,一條友玩手機都咪咪嘴笑,大家唔使擔心佢冇男仔追

全知言

甩拖沈卓盈貶回青衣公屋

唔只男人,其實做女人都要能屈能伸㗎,好似沈卓盈上個星期自爆話同金融才俊 Ray麥偉汶甩拖,以前成日見男友孖住沈大師出入,又有跑車接送之餘,又住喺禮頓山男友屋企。𠵱家分手都冇晒啦,上星期三( 15日)見單身沈大師一條友去老尖行街,仲走去睇減價男裝,雖然有粉絲認得兼合照,不過沈大師都冇咩心情,梗係啦,一條友揸車返去青衣邨喎,由豪宅變番住公屋,俾你仲有咩心情,唯一安慰係仲揸緊寶馬囉。

以前有富貴男友照,邊使去詢問處攞泊車優惠㗎,𠵱家暫時單身咪做住先囉!

單身沈卓盈做完活動之後,去咗商場睇減價男裝,唔係想翻兜阿 Ray呀?減價貨冇誠意喎!

以前拍拖就住喺男友禮頓山,𠵱家分咗手惟有返去青衣邨娘家踎住先,但出入依然揸寶馬,起碼叫公屋富戶各位公子,機會嚟

沈卓盈同男友 Ray拍拖期間,男友試過發脾氣用網球拍打爛沈大師坐駕的擋風玻璃。

鍾意就快D Share啦!