熱爆娛樂: 進軍飲食　賣車落本　高鈞賢開居酒屋 [壹週刊

2015年7月23日星期四

進軍飲食　賣車落本　高鈞賢開居酒屋 [壹週刊 - 1324] 高鈞賢,M1,

返香港親自督工，高鈞賢跟裝修工人一樣背心上陣。

探熱針

進軍飲食　賣車落本　高鈞賢開居酒屋

去年離開無綫後，高鈞賢返內地拍劇，一集劇酬已抵得上大台月薪。搵到錢，但為了進軍飲食界在荔枝角開居酒屋，圓多年心願，他寧願放棄心頭好，將波子戰車變賣套現。新店正在裝修，高鈞賢返港睇場落手換燈膽，親力親為。

親自督工

離開大台只有短短九個月時間，簽了內地經理人公司的高鈞賢，已接拍兩部大陸劇，劇酬每集二萬人仔，拍一集已幾近以往在大台二萬五月薪，加上商演真人騷登台，十分和味。

北上發展有錢途，有投資開車房的高鈞賢最近再同朋友夾份在荔枝角開居酒屋，玩多瓣。

專程由內地返港睇裝修的高鈞賢，日前一身背心開工 look落鋪監場，由後門鐵閘到天花燈飾逐一檢查，又不時同裝修師傅討論研究，甚至落手落腳換電燈膽，事事上心。

上週三，高鈞賢跟工人傾完一輪後，又親自換燈膽，由於天氣太熱，他食住雪條開工。

去年，在大台冇乜工開，高鈞賢也有在朋友車行打工幫手，他更放下身段出外買外賣，跟同事齊齊捱飯盒。

三年後結婚

對於進軍飲食界，高鈞賢說：「而家喺內地發展幾 OK，收入唔錯，但做娛樂始終唔穩定，我想多方面發展。開居酒屋都係我多年夢想，因為本身喜歡同朋友去居酒屋食嘢，間鋪大約有一千呎，同朋友夾份，自己要攞六位數出嚟。我而家連架 Porsche（保時捷）都賣埋，要專心打理生意，唔好再花時間去玩，所以賣咗出去攞番啲錢好過。」

未來鋪晒路，高鈞賢亦計劃三年後同圈外女友 Chika拉埋天窗。

「我今年三十一歲，三年後係適合嘅時間去組織家庭，我已經認定女友係結婚對象，所以而家努力儲緊錢；婚後希望可以住近父母，方便照顧。」高鈞賢說。