網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月23日 星期四

Juno三部曲 網上瘋狂洗版 黃偉文詳細解構 Juno,麥浚龍,





其他影片:>>






相信呢兩日大家都被麥浚龍(Juno)三部曲:《耿耿於懷》﹑《念念不忘》及同謝安琪(Kay)合唱嘅《羅生門》瘋狂洗版,好多網民不停loop,仲話聽到眼濕濕,而呢三首歌都係由黃偉文(Wyman)填詞,Wyman今日接受《蘋果》電話訪問,講番點解會有呢個concept。

Wyman表示:「件事係因為11年前寫咗《耿耿於懷》,12年我嘅作品展撞番Juno,當時完全唔知道揀乜嘢歌畀佢唱,我哋合作嘅歌都幾多,《有人》、《沒有人》、《濛》呢幾首都覺得可以唱,但當時隔離左右嘅人,都話要揀《耿耿於懷》,因為好多人鍾意《耿耿於懷》,當時我係有啲驚奇,因為呢首歌喺11年前,打榜成績唔係太出眾,電台、媒體高層唔覺得呢首歌特別好,原來群眾心目中好受歡迎。」

當晚作品展Juno唱咗《耿耿於懷》,效果好好,歌迷反應都好熱烈,Wyman就話:「我有個狂想同Juno講,啱啱事隔十年,我哋好耐冇合作,不如搵埋伍樂城做番隻《耿耿於懷》續集,講番十年後呢個男仔點樣,你知Juno循例冇乜反應,之後過咗兩年,佢(Juno)同我講不如做,14年做呢首歌(《念念不忘》),擺咗一陣,到15年先派,佢可能覺得等重要時機派台,所以喺15年呢隻歌面世。」

Wyman續說:「之後Juno又畀電話我:不如呢首歌、呢個故仔、呢個男主角,我哋舖排成一張6隻歌嘅EP,將歌曲裏面每個人物都活化、立體化,佢第一樣諗到呢首歌裏面嘅『你』,0依家分開後重新拍拖嘅『她』,搵兩個女歌手飾演真人版,所以有《念念不忘》,好多人鍾意,我哋開始苦惱,故仔應該點舖排,其實仲有莫文蔚同Juno合唱《瑕疵》,莫文蔚飾演女朋友,之後到謝安琪呢首(《羅生門》),我提議不如反轉嚟寫,女仔眼中世界其實同男主角唔一樣。」

(資料圖片) 麥浚龍(後)同Wyman合作無間。(資料圖片) Juno嘅《耿耿於懷》﹑《念念不忘》及同謝安琪(Kay)合唱嘅《羅生門》近日瘋狂洗版。(資料圖片)
耿耿於懷MV片段 耿耿於懷MV片段
Wyman接受《蘋果》電話訪問,詳解點解會有呢個concept。
鍾意就快D Share啦!