今早九點，吳卓羲父親吳振英喺萬國殯儀館進行大殮儀式，唔少親友都有嚟送吳父最後一程。
十時許，披麻戴孝嘅吳卓羲捧住父親嘅遺照上靈車，直駛鑽石山火葬場，進行火化儀式。45分鐘的儀式結束後，吳卓羲第一個步出會堂外，用碌柚葉水洗手兼淨身，之後換上另一套便服到沙田彩福酒樓出席解穢酒。
今日吳卓羲心情看似平復，但雙眼仍眼腫腫，佢不時都有對記者打招呼，甚至慰問記者：「你哋食飯先我之後都係返屋企。」
據知吳卓羲今日搞掂爸爸嘅身後事後，下星期便會重投工作，返回內地繼續拍攝內地劇，佢接受電話訪問話：「你搞掂都要做嘢」
