朱慧敏今朝8點半去浸信會醫院探「知己」Eddie，據知，噚日Eddie手部受傷，要全身麻醉動手術，今日先出院。
今次Eddie受咗傷，問到兩人會唔會更加珍惜對方、感情更加好？朱慧敏就話：「我哋感情好好，其實我哋感情一直都好好嘅。」會唔會如報道所講係終極分手，佢講：「我哋從來都冇講過，總之都係好朋友、好知己嘅關係。」
問到有冇復合機會，朱慧敏表示：「感情嘅事好難講，我都答唔到你一陣會發生啲乜嘢事，係唔係先？」
那可是患難見真情？佢就話：「我哋一向感情好好，我哋關係都好好，只係由結唔結婚去到呢一步，我哋有啲問題出現咗。」咁關唔關生仔問題事，佢稱：「根本噚日個報道，我哋兩個睇完，都覺得有啲莫名其妙。從來由第一日開始，我又好鍾意小朋友，佢又好鍾意小朋友，我哋一向都有共識，講緊我係唔係有遺傳病，我都未聽過生完BB，之後就會令到癌症更加提高機會率，我自己未聽過，我諗問清楚醫生，觀眾或者讀者真係唔好盡信。 」
問及是否已原諒Eddie？朱慧敏就謂：「我答咗好多好多次，我只係覺得佢去蒲、或者成日去蒲完之後，送女仔返屋企之後，就會被人哋影到相，我係忟佢呢樣嘢。我由始到終，我由兩個月前我第一日出嚟回應，我都話Eddie，我係好深信佢嘅為人，我係冇覺得佢對我不忠或者出軌，我講得好清楚，上次我對住記者都講咗，用偷食嗰啲字眼對佢都係唔公平，同埋係我講得唔清楚，當時情況都好混亂。」
朱慧敏直言：「有好多嘢，我哋都好明白，不過，結婚就唔結住，o依家咩關係，好好嘅朋友、好好嘅生意夥伴，感情事都希望慢慢兩個用啲時間去處理。」佢否認Eddie係為情自殺，認為佢哋兩個都係大人，會一直保持良好關係。
|
鍾意就快D Share啦！
|
|
|
