袁嘉敏影全裸寫真 挑機羅霖
【2015香港動漫電玩節之蠢蠢欲動】
自周秀娜的「露暈娜」寫真省靚招牌後，近年真正吸睛的𡃁模寫真幾乎後繼無人，及至今年書展有半百美魔女羅霖推出熟女寫真，才再讓坊間掀起話題，作品口碑銷量更贏開巷，賺盡人氣，當然令人妒忌。今年初憑三級電影《鴨王》一脫脫上位的34D導彈女神袁嘉敏也蠢蠢欲動，有意年底推出激爆露點寫真挑機。
半百美魔女羅霖今年出寫真對撼賣肉𡃁模，由前哨開始贏到尾，甚至揚威海外，歐美日傳媒都爭相報道。而年初不惜一脫成名的34D導彈女神袁嘉敏，昨日在灣仔會展出席「2015香港動漫電玩節」時，自爆年底會再下一城，推出露點全裸寫真。
其實近年的寫真戰，能真正令人吸睛的作品寥寥可數，令宅男留下難忘印象的，非數周秀娜出道時以「露暈娜」照片作賣點的一本，當年周秀娜火速成為寫真女王。現年30歲的袁嘉敏今年初在電影《鴨王》除有露點演出，還肉搏男主角何浩文，袁嘉敏成功標尾會，知名度大大提升，不過隨着電影落畫，要繼續成為話題人物，當然要再出動D奶。
■袁嘉敏昨日出席動漫節，化身邀月宮主的她宣佈拍全裸寫真。
■羅霖的寫真《Timeless》大賣。
■E奶黃芷嫣（右）「胸」贏袁嘉敏。
尺度激過《鴨王》
問到袁嘉敏可有買羅霖的寫真欣賞？她說：「我有睇報道，但係冇特別買嚟睇。」是否也有意拍寫真？她即答：「有機會都會影，可能今年年底會影。」有全裸構思？袁嘉敏直認不諱：「會呀，會全裸，不過要夾吓啲贊助商先，想去異國風情嘅地方影，唔想喺香港影。」她表示當中激烈程度並不遜電影《鴨王》的大膽尺度，她不擔心會影響形象，大不了就包膠袋。
袁嘉敏曾承認拍完《鴨王》後情緒出現波動，還出埠避世，言猶在耳，她已計劃推出超激寫真，難道不怕情緒再受影響？她說：「之前因為啲片冇睇過playback就流出晒，今次我會自己參與多啲後期製作，攝影師有幾個合作過同好鍾意，所以希望今次都可以合作，搵番佢哋。」
■大批宅男龍友爭相舉機拍袁嘉敏等人。
■昨日眾女齊齊以古裝扮相，現身Gameone的「金庸VS古龍」活動。
至於羅霖昨日接受本報訪問，對於被袁嘉敏挑機，她在電話中說：「每個人影寫真都有唔同嘅原因，我唔知佢為咗乜，可能係為青春留倩影，我自己就為慈善同正能量，最緊要開心就可以。」她續說：「不過唔單止影寫真，就算做任何嘢都應該要有兩個準備，一係得，一係唔得，我自己影嗰陣都有咁嘅心理準備。 」
E奶黃芷嫣搶鏡
另袁嘉敏昨日和仙樂都、「翻版雞扒妹」黃芷嫣和與胡杏兒男友Phil傳緋聞的𡃁模陶枳樽等，分別以爆乳古裝扮相出席動漫節內Gameone的「金庸VS古龍」活動，袁嘉敏變身古龍小說中邀月宮主造型現身。袁嘉敏與眾女鬥身材、鬥長腿兼鬥腰軟，不過論養眼程度似乎被只有18歲的E奶黃芷嫣撼贏，袁嘉敏不認同被搶鏡，她說：「唔會，畀啲機會其他女仔，芷嫣同我有得fight，差唔多啫！」全場最索的黃芷嫣指事前並不知造型是最性感，問她可也想出全裸寫真？她說：「我以前都有出過寫真，上身冇着衫，嗰陣又凍又尷尬，但係暫時唔會考慮影全裸，不過可以除衫，唔可以露點。」
採訪：盧妹、羅慧敏
攝影：陳順禎
■今年年初袁嘉敏在《鴨王》露點上陣而成話題人物。資料圖片
|
鍾意就快D Share啦！
|
|
|
