上回講到洗米華背住老婆陳慧玲（Heidi）未坐完月，閃咗去新加坡會Mandy，激嬲洗米嫂全程喺香港機場出發到倫敦都對佢「面阻阻」，仲喺fb「消失」咗佢。女人都係心軟，洗米華亦一於死跟，佢哋一家人去到巴塞隆拿，包括洗米華老豆、Heidi阿媽、大仔柏豪同阿女梓潼family trip，出海曬太陽。
梓潼今日又喺fb「維穩」post咗張家庭照，「消失」多日嘅洗米華終於現身，不過佢哋兩公婆都係各據一方，洗米華「繃緊」到笑唔出，feel到佢哋兩公婆仲有心病啦。而洗米嫂一向都大局為重，所以湊住老爺同阿媽都繼續背人歡笑，見佢擺咗10幾張相上fb，着住比堅尼倒奶晒身材影selfie，仲大玩手機apps搞效果。
洗米嫂擺咗咁多相，有好多沙灘靚景，咁顧頭家嘅佢梗係有屋企人，細心睇吓組合：洗米嫂同阿女，有呀、洗米嫂同柏豪同阿女、都有呀，洗米嫂同老爺同阿媽加對仔女，梗有喇....佢同洗米華就....依然欠奉，應該都係個句喇，氣難下...
| 洗米華死跟去巴塞隆拿，但唔係好笑得出喎！洗米嫂曬太陽倒奶呀！ (周梓潼,陳慧玲facebook) |  阿女嗰facebook，洗米華就同老婆各據一方。 (周梓潼facebook) |  同一個景，得番洗米嫂、阿女、柏豪、老爺同洗米嫂阿媽，唔見咗華哥呀 (陳慧玲facebook) |
 洗米嫂最愛的活動，着bikini曬太陽。 (陳慧玲facebook) |  有9個洗米嫂咁多..... (陳慧玲facebook) |  洗米嫂同阿女、柏豪selfie (陳慧玲facebook) |
 同阿女kiss kiss (陳慧玲facebook) |  曬太陽睇名勝 (陳慧玲facebook) |  |
|
鍾意就快D Share啦！
|
|
|
