掃呢頁CODE去手機

2015年7月8日 星期三

好彩唔係餵緊奶咋! 梁詠琪遇記者衝門硬影 [FACE - 424] 梁詠琪,MF,



上週五( 3日),已經差唔多修身嘅 GiGi復工拍護膚品廣告,提起兩日前食齋奇遇記,依然好脾氣,她說︰「平時佢哋都係乖乖喺門口,唔會衝入嚟,我都係驚嚇親 BB啫!」為咗餵母乳, GiGi減肥速度係就係慢啲,不過今次明顯見成效,仲着件窿窿透視衫添!

全知言

好彩唔係餵緊奶咋! 梁詠琪遇記者衝門硬影

嗱嗱嗱,幾時都話修養嘅嘢扮都扮唔嚟, GiGi呢啲就係有品人辦!

換着你,開間 VIP房,一家人飯聚,無嗱嗱衝咗兩個記者入嚟影相,喂,有老又有 B,六個人有五個都唔係圈中人,仲唔火都起?

難得 GiGi見慣大場面咋,更難得係梁媽媽、細佬,連老公 Sergio都仲識笑住對鏡頭,笑住婉拒做訪問,呢啲咪家教囉!估都估到,一家人都有品, Sofia第時大個唔只靚,都實好教養啫!

全知言覺得 GiGi好脾氣過頭,有乜理由仲同記者講「見諒」?學佢話齋,間房係私人房,在場全部屋企人,一個唔小心 B女 Sofia嗌肚餓, GiGi餵奶俾人影到仲得了嘅?

梗係 GiGi平時訓練得好,記者衝入嚟咁突然, Sergio都識得及時擰歪 Sofia塊面。網上圖片

網上圖片

剛剛加盟星皓電影, GiGi已經開始揀劇本,上次《香港仔》演技被大讚,嚟緊會唔會再有突破?網上圖片

唔係話唔俾影, GiGi上個月幫囡囡搞百日宴,淡定 Sofia就人見人愛全程冇扭計。

鍾意就快D Share啦!