今時今日嘅大台觀眾想搵番當年追劇嘅滋味，只能等運到，睇吓呢期有冇喺啲深宵時份重播經典神劇。平時食晚飯，打開電視唔係爭家產就係膠口膠面，想搵套好睇嘅零配音港劇送吓飯都難，真係索性熄電視。不過最近大台喺9點半播嘅喜劇《鬼同你OT》（下稱《鬼》），似乎可以扭轉港劇沒落嘅命運。播出首周已經有唔好少好評，大讚劇中人演技好，阿田同定欣更被稱「神同步」。
《鬼》係近年少有以「鬼」作題材嘅時裝喜劇，黑仔女主角田蕊妮遇上因意外過身變成鬼嘅胡定欣，2人合作重返建築設計公司，由定欣教阿田做高層；仲同楊秀惠飾演嘅邪花，3個女人一齊爭男主角陳豪，有唔少搞笑劇份。
第一次拍喜劇嘅阿田話佢老豆最開心，唔使再睇佢拍啲喊苦喊忽嘅片，連1歲嘅姪仔都睇好鐘意睇。不過阿田始終無咩喜劇經驗，礙於入行咁多年，當初都唔敢問老公杜汶澤點拍好，費時瘀皮。拍慣喜劇嘅阿澤同老婆講一句：「你有演技唔使擔心」仲鼓勵阿田要有信心，結果令人驚喜。
同檔期上一套係國產劇《武則天》，大結局有近年少有嘅37點收視，要食到個勢，《鬼》監製徐正康都表示有壓力。不過當年收視神話《男親女愛》、《棟篤神探》、《狀元宋世傑》等劇都係由徐正康出品，佢亦讚多位主角表現好好，難得令一直被狠批嘅港劇可以再引起大家關注兼俾正評，總算爭番啖氣。
《鬼》係近年少有以「鬼」作題材嘅時裝喜劇，黑仔女主角田蕊妮遇上因意外過身變成鬼嘅胡定欣，2人合作重返建築設計公司，由定欣教阿田做高層；仲同楊秀惠飾演嘅邪花，3個女人一齊爭男主角陳豪，有唔少搞笑劇份。
第一次拍喜劇嘅阿田話佢老豆最開心，唔使再睇佢拍啲喊苦喊忽嘅片，連1歲嘅姪仔都睇好鐘意睇。不過阿田始終無咩喜劇經驗，礙於入行咁多年，當初都唔敢問老公杜汶澤點拍好，費時瘀皮。拍慣喜劇嘅阿澤同老婆講一句：「你有演技唔使擔心」仲鼓勵阿田要有信心，結果令人驚喜。
同檔期上一套係國產劇《武則天》，大結局有近年少有嘅37點收視，要食到個勢，《鬼》監製徐正康都表示有壓力。不過當年收視神話《男親女愛》、《棟篤神探》、《狀元宋世傑》等劇都係由徐正康出品，佢亦讚多位主角表現好好，難得令一直被狠批嘅港劇可以再引起大家關注兼俾正評，總算爭番啖氣。
|
鍾意就快D Share啦！
|
|
|