掃呢頁CODE去手機

2015年8月8日 星期六

唔夠母乳餵唔飽B 周汶錡為言論道歉 周汶錡,



近年餵哺母乳成健康新趨勢,不過就唔係個個媽媽都好認識喇,好似周汶錡(Kathy)嘅寶貝囝囝Jacques啱啱先滿月;週四(8月6號)Kathy產後首次出席公開活動,當日就話佢餵BB食人奶應該就唔飽嘅,因為唔知道小朋友食咗幾多,所以都係想轉番食奶粉咁話。

好多媽媽級網友就唔多認同喇,指Kathy身為公眾人身傳遞咗非常錯誤嘅訊息,仲會影響到其他新手媽媽唔敢餵母乳。而Kathy今日(8月8日)都作出回應,並逐一喺每個留言下面解釋同致歉。

Kathy指係自己體質問題而唔夠乳汁:「大家好,在此對昨天(前日)的言論,為大家帶來不便!深表歉意!其實我昨天的意思,不是想表達餵母乳會令BB不飽,是因我自己母乳不太夠,只是擔心BB會不足夠,所以會混合了奶粉!我也十分支持餵哺母乳。」

Kathy又表示會努力學習做個媽媽:「可能我昨天的言論會引起一些討論,但我是打從心底的關愛自己的兒子,及我會繼續努力嘗試以不同方式以母乳餵哺兒子。最後,再次多謝各位的關注,作為一個新手媽媽,我想,要學習的東西還有很多,但我會繼續努力。」
鍾意就快D Share啦!