掃呢頁CODE去手機

2015年8月22日 星期六

阿佘飲醉被枱走  洪天明畀女圍送吻甩身 洪天明,佘詩曼,阿佘,



佘詩曼飲到企唔穩要人抬住走,洪天明就畀女圍,出絕招錫咗個女仔一啖先走得甩。

next 1/1 pre

近年甚少夜蒲嘅佘詩曼酒量明顯下降。

next 1/1 pre

撞到朋友攬攬仲企唔穩成個人挨落去。

next 1/1 pre

無端端戴上口罩嘅佘詩曼要朋友扶住走。

next 1/1 pre

二個大男人夾實佘詩曼一齊行出門口。

next 1/1 pre

出到門口清醒番嘅佘詩曼又除低口罩戴番超,趙永洪仲喺前面幫佢開路。

next 1/1 pre

企唔穏嘅佘詩曼坐喺花槽到等車。

next 1/1 pre

等車期間佘詩曼用紙巾掩口好似想嘔咁樣。

next 1/1 pre

洪天明都飲得好大吓,不時撳住心口好似好辛苦。

next 1/1 pre

有個女仔捉到佢實唔畀佢走,

next 1/1 pre

個女仔仲大聲叫朋友過嚟搵洪天明合照。

next 1/1 pre

洪天明見勢色唔對即刻出絕招突襲錫咗個女仔塊面一啖,趁機閃人。

next 1/1 pre

蘭桂坊有新夜場開幕獲一眾明星撐場,當中包括:佘詩曼、謝天華、洪天明及趙永洪等,近年甚少夜蒲嘅佘詩曼酒量明顯大減,到場無耐啲醉意已經出晒嚟,行出行入去廁所都腳步浮浮,期間趙永洪全程陪到實慎防意外,去完廁所嘅佘詩曼咁啱撞到朋友,即刻衝上前打招呼,擁抱嘅時候突然醉意爆發,成件挨住咗位女性友人唔願行,一班人夾手夾腳扶佘詩曼返埋位休息。

另一邊廂洪天明滿場飛飲過不停,到尾段見洪天明個樣好辛苦,仲不時撳住心口好似想嘔咁款,有個女仔認出洪天明起勢咁捉住佢傾唔停,仲翹實洪天明隻手唔畀佢走,洪天明幾次示意閃人都失敗,個女仔仲大叫啲朋友過嚟搵洪天明合照,最後洪天明出撒手鐧忽然錫咗個女仔塊面一啖,趁個女仔發呆期間即刻掹番隻手出嚟,返去佘詩曼個枱一齊走人。

佘詩曼好出奇咁戴上口罩諗住走人,不過醉意大爆發嘅佢唔係好行得穩,一班朋友見狀都係抬佢走人比較穩陣,兩位身材健碩大隻男左右護法咁夾實佘詩曼走人,行到出門口開始清醒嘅佘詩曼又除低口罩戴番墨超,等車期間佘詩曼企唔穩要坐喺花槽到,仲要攞張紙巾掩住個口好似想嘔,不過最後上車走人都無嘔到。

鍾意就快D Share啦!