剛剛度過79歲生日嘅四哥謝賢，老馬有火；因為重播劇集《誓不低頭》而再成熱話嘅「陸國榮」曾江，亦不是省油的燈。兩人同胡楓、Joe Junior一齊出發去俄羅斯等地拍《4個小生去旅行》，火花四濺。之前早有傳曾江同四哥積怨逾半世紀，豈料今日記招上終於出事。
今日《4個小生去旅行》於將軍澳一間酒店舉行記招，完畢後本應進行訪問，可是此時四哥突然表示要等TVB高層走先。當時眾人在台下，修哥坐四哥曾江中間，四哥突指摘有人經常詐病，「好多活動無去」，又稱病坐輪椅。四哥越講越嬲，起企身，一拳想打曾江，坐在中間的修哥即起身擋，結果面頰中拳，眼鏡飛脫，曾江亦被打中呆晒，企喺修哥身後。及後四哥興沖沖離去，未有受訪。之後《蘋果》記者致電四哥，四哥直認不諱:「打佢好奇呀？」
|
鍾意就快D Share啦！
|
|
|
