掃呢頁CODE去手機

2015年9月7日 星期一

《壹》仔帶你睇 12潮女性感校服Party 生活+趣聞,





其他影片:>>






今年四月時,一張十二名潮女穿上性感睡裙、喺中環夜場開派對嘅照片,上載到facebook後,立即被網民瘋傳,網民又將各人起底。呢班潮女,有啲係自己做老闆、有啲係OL、仲有學生妹。早排佢哋又開派對,仲請埋《壹》仔去添。

派對搞手Begonia就話,其實佢哋冇規定幾時搞一次party,撞正朋友生日,又或者朋友想熱鬧,就會搞party,「其實冇諗過上次個(睡衣)party咁好反應,班女仔又玩得咁開心,所以今次再搞多個制服派對,今次玩校服。」佢仲話,使費視乎張枱可以坐幾多人,一般都要兩萬幾蚊。

當晚,一班潮女喺中環夜場門口集合,個個都低胸上陣,男途人行過都眼望望,Begonia解釋話:「唔知點解,落中環蒲就會性感,因為個個女仔都係咁著,你唔性感,就會給比下去。」之後入到場,一班潮女先玩一輪selfie,之後開始飲酒跳舞。

舞池人多,會唔會俾人抽水㗎?Begonia話舞池係最危險,好多賤男會趁人多摸女仔屁股,她更試過俾人摸下體,「就算你鬧番個男人,佢都會扮冇嘢即刻走,所以惟有自己小心啲,同埋依家多數同自己圍內人嚟玩,安全啲。」
鍾意就快D Share啦!