網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月17日 星期四

冧出面:無綫加簽箍五年 大狀男友撐麥明詩入娛圈:佢好完美 [壹週刊 - 1332] 無綫,麥明詩,M1,



探熱針

冧出面:無綫加簽箍五年 大狀男友撐麥明詩入娛圈:佢好完美

見今年出爐港姐麥明詩人氣盛,樂易玲決定提前補倉,要求今屆三名港姐,簽約年期加至五年。女友一夜成名,大狀男友林作被大起底,又被爆落區選議員做政壇新人;對於十優女友要入娛圈發展,林作日前接受訪問表態支持,更力讚麥明詩好完美。

大媽緊張𥄫實

上週四(九月十日)晚,四位得獎港姐在大媽樂易玲率領下,一行六人到仁愛堂慈善演唱會,由於冠軍是眾矢之的,樂大媽亦有備而來,全程𥄫實外,更預先篩選傳媒訪問;被教路過的麥明詩,亦只有官式回應有關大狀男友林作參選區議員一事,聲稱未必有時間用行動支持對方。

「樂小姐對今屆港姐特別緊張,事關公司走咗好多花旦,舊年嗰屆港姐又上唔到,今屆一出已經咁有人氣,所以佢係咁 mark實,尤其係麥明詩,已經有內地廣告搵佢,所以公司要加簽五年約,但冠亞軍嘅屋企人都唔簡單,做事好謹慎,而家仲睇緊份合約,冇即刻應承。」一名無綫人說。

上週四晚,林作跟外籍朋友在上環飲嘢,飲到面紅紅。

同日晚上,樂大媽率領一班港姐出席慈善演唱會,全程𥄫到實。

林作跟何猷亨老友,當日他坐對方車到西九睇女友出席活動。

跟林作親密關係被踢爆後,備受公司壓力的麥明詩事後才在 ig默認戀情,更解釋何謂「不成熟」。

被麥明詩隔空指「唔成熟」,幽默林作即將「不成熟」火腿手信放 ig自嘲。

女友早前出席無綫活動,林作表示當日坐順風車路過,所以去𥄫吓。

開腔講女友

參選港姐期間,麥明詩已經是非不斷,男友林作間中以幽默方式在 ig曲線表態支持;上週四,本刊在上環一間酒吧遇見林大狀,他首次開腔講有關「人生勝利組」港姐女友。

壹:壹週刊 林:林作

壹:點解麥明詩最初唔認你係男朋友?

林:而家都冇認,都係你哋話啫。

壹:兩人關係係點?

林:好朋友囉,佢都話互相支持,一齊成熟嘛。

壹:係咪支持佢參選港姐?

林:大家朋友都支持。

壹:佢支持你參選區議員?

林:我冇話過參選,你哋寫啫。

壹:麥明詩俾其他女仔杯葛,係咪好大壓力?

林:係咩?我唔知。

純粹路過

壹:點解會去西九活動?

林:我唔係特登去,有個男仔朋友(係何猷亨)要去嗰個活動,我又要去附近,咪坐佢順風車,𥄫吓囉!睇吓就走。其實我路過,都幾尷尬。

壹:你喺 ig寫個活動好 boring?

林:睇兩眼,覺得悶悶哋咪走囉。

壹:佢得獎後有冇慶祝?

林:冇(會唔會?)朋友食吓飯,飲杯嘢梗係會嘅。

壹:贊唔贊成女友入娛樂圈?

林:冇話贊唔贊成,佢自己諗。

龐卓欣聽教聽話,被照肺後,比賽翌日即跟冠軍玩拖手仔補鑊。

麥明詩請食飯當日中午,三位港姐被召返公司傾新工作,並將「友誼照」放 ig。

冠亞軍得獎後都十分識做,分別戴住后冠跟朋友影相。

好難揀

此「詩」不同彼「詩」,上屆冠軍邵佩詩(左一)至今未有機會擔正,在電視劇《潮流教主》只做大茄角色。

壹:外邊覺得佢讀書咁叻,好似有啲浪費?

林:新一輩諗嘢唔同,後生仔有唔同諗法好正常,幾過癮呀,佢而家咁叻,又走去做港姐。

壹:佢講過有興趣從政?

林:佢而家仲有冇興趣呀?我覺佢應該拍劇做花旦。(咩類型電視劇啱佢?)佢乜都得,佢咁好戲,應該得嘅,我唔知,訓練吓應該得,佢咁叻女。

壹:你覺得佢咩嘢最叻?

林:好難揀,佢咁多嘢都咁叻。

壹:咁最欣賞女友邊方面?

林:真係揀唔落手,真係唔知,真係好完美。

能夠成為牛津大狀男友眼中的完美,麥明詩果然超班。

Order飯局

十優港姐麥明詩當選冠軍,加冕時台上被隱形冇人恭賀,全城熱話。贏獎輸人緣,無綫覺失禮,向其他港姐施壓。收 order的冠亞季唔敢逆旨,上週三(九日),麥明詩做老細宴客,請晒入圍的十二位佳麗,去上環食日本菜,借飯局打交道。亞軍龐卓欣為洗脫帶頭杯葛死敵的罪名,主動將飯局相放上網,展示友誼已由被迫拖手仔,發展至坐埋一齊有講有笑。港姐呢餐飯,交足戲!

撰文、攝影、攝錄:娛樂組

nextplus.nextmedia.com

鍾意就快D Share啦!